شەنگال؛ بە تۆمەتی سوتاندنی سەرۆك هۆزێك دووكەس دەستگیركران

ئەو دوو تۆمەتبارە لە لێكۆڵینەوەی سەرەتایدا دانیان بە تاوانەكەدا ناوە
قاسم متۆ، سەرۆك هۆزی قەیرانی

ژیان:

بەڕێوەبەر پۆلیسی دهۆك ئاماژە بەوە دەكات، بەتۆمەتی كوشتن و سوتاندنی سەرۆك هۆزێك لەشەنگال دوو كەس دەستگیركراون و دانیشیان بەتاوانەكەیاندا ناوە.

پاش ئەوەی رۆژی 16ی ئازاری 2019، لە گوندی سینای نزیك كۆمەڵگەی شاریای سەربە قەزای سێمێل تەرمی (قاسم متۆ) سەرۆك هۆزی قەیرانی و كەسایەتی دیاری ناوچەی شەنگال لە ناو ئۆتۆمبێلەكەیدا بە سوتێنراوی دۆزرایەوە، دوو كەس بەتۆمەتی ئەو رووداوە دەستگیر كراون.
لەوبارەیەشەوە لیوا (تارق ئەحمەد)، بەڕێوەبەری پۆلیسی دھۆك بەمیدیاكانی راگەیاندوە، ئەو دوو تۆمەتبارە لە لێكۆڵینەوەی سەرەتایدا دانیان بە تاوانەكەدا ناوە.

قاسم متۆ، سەرۆك هۆزی قەیرانی و كەسایەتی دیاری ناوچەی شەنگال، هاوكات ئەندامی ناوچەی لقی 17ی پارتیی دیموكراتی كوردستان بووە.