دەستدەگیرێت بەسەر بڕێكی زۆر لەسەروەت و سامانی سەرۆكی سوداندا


ژیان: العربیە، ڕۆیتەرز

بەگوێرەی دوایین هەواڵ وپێشهاتی وڵاتی سۆدان لەهەریەك لەكەناڵی جزیرە والعربیە وئاژانسی ڕۆیتەرز ئەمڕۆ شەممە دەستگیراوە بەسەر ملیۆنان دۆلار.
ئەمڕۆ شەممە میدیاكانی سودان بڵاویانكردۆتەوە، كەوا هێزێكی تایبەتی وهێزێكی هەواڵگری ئەو وڵاتە دەچنە كۆشكی كۆماری ئەو وڵاتە وشوێنە تایبەتیەكەی "عومەر بەشیر" سەرۆكی لەكارلادارا وزیندانی كراوی ئەو وڵاتە.

لەمیانی پشكنین وگەڕانی هێزە ئەمنیەكە هەریەك لەمیدیای (رٲی العام) بڵاویكردۆتەوە كەوا دەستگیراوە بەسەر پارەیەكی زۆر‌، كەبە 6 ملیۆن یۆر ۆ351 هەزار دۆلار و 5ملیار جونیهی سودانی دەخەمڵێنرێت.

بەگوێرەی زانیاریەكان ئەو لێژنەیەی سەرپەرشتی ڕوبەڕوبونەوەی گەندەڵی ونەهێشتنی دزی لەهەموو سێكتەرەكان دەستی پێكردووە، موعتەسەم عەبدوڵا كەسرپەرشتی لێژنەی وڵاتەكە دەكات بۆڕوبەڕونەوەی گەندەڵی لەمیانی لێدوانێكید بۆ سكای نیوز ڕایگەیاندووە كەوا لێژنەكەیان هیچ كەسێ نابورێت تا دواكەس دەسەڵاتیان هەیە بۆگێڕانەوەی سەروەت وسامانی گشتی.

هەروەها ڕایگەیاندووە بەپێی ماددەی 5 و6 ی دەستوری وڵاتەكەیان كەتایبەتە بە دراوی نێودەوڵەتی وهەروەها ماددە 35 كەتایبەتە بەگێڕانەوەی داهاتی گشتی كاردەكەن.

چەند ڕۆژێك لەمەوبەر عومەر بەشیر سەرۆكی ئەو وڵاتە ناچار بەجێهێشتنی دەسەڵات كرا وڕوبەڕوی دادگا كرایەوە ئێستا لەزیندانی كوبەر دایە لەخەرتومی پایتەختی سودان.

هەروەها پێگەی ڕۆیتەرز بڵاویكردۆتەوە لەزاری سەرچاوەیەكی ئەمنی وڵاتەكەو خانەوادەی بەشیر كەوا ئێستانی لەزیندانی كوپەردایە لەپایتەختدا، هەروەها بۆپاراستنی گیانی خانەوادەكەی هێزێك تایبەتكراوە بۆپارێزگاریكردنیان.

بەپێی گرتە ڤیدیۆیەک کە کاتژمێرێک لەمەوبەر بڵاوکراوەتەوە دەردەکەوێت کەوا پارەیەکی خەیاڵی پێکهاتووە لە ملیۆنان دۆلار ویۆرۆ وجونیهی سودانی کەلەلایەن عومەر بەشیری سەرۆکی لەکارخراوی سودان دەستی بەسەردا گیراوە.