هۆمەر دزەیی بەرهەمێكی نوێی بڵاو كردەوە


ژیان:
هۆمەر دزەیی بەرهەمێكی نوێی بڵاوكردەوە گۆرانیەكە بە ناوی لەیلا پۆڵ مەلەكە و نوێترین بەرهەمی ئەو هونەرمەندەیە. 

عەبدوڵا جەمال سەگرمە لە چەناڵی تایبەتی خۆی لە یوتوب، بەرهەمێكی نەبیستراوی هونەرمەند هۆمەر دزەیی بڵاوكردەوە نوسیویەتی: خۆشحاڵ كە ئەم بەرهەمەم بۆ دەنگی مامۆستا هۆمەر دزەیی ئامادەكردووە.

سەگرمە ئەوەش ئاشكرا دەكات كە گۆرانیەكە لەسەر داوای هونەرمەند ئەو وێنانەی لەسەر دانراوە و دەشڵێت "ئەم گۆرانییه،‌ یەكێكە لە نۆ گۆرانی سیدییەكی نوێی مامۆستا هۆمەر بە ناونیشانی (گەڵا وەریوەكان) و لە ئایندەیەكی نزیكدا بڵاودەبێتەوە".

ئەو گۆرانیەی ئەمڕۆ بڵاو كرایەوە لە  ئاوازی دۆریس فیشەر و ئالان رۆبێرتسە و كاری میوزیك و تۆماركردنی دەنگ لەلایەن عەبدوڵا جەمال كراوە، وشەسازیەكەشی لەلایەن دزەیی خۆی ئەنجامدراوە.