ئەتلەنتیكۆ و بەرشەلۆنە لەبارەی گریزمانەوە كۆدەبنەوە

ئەنتوان گریزمان، هێرشبەری ئەتلەنتیكۆ مەدرید

ژیان: 
رۆشتنی گریزمان بۆ یانەی بەرشەلۆنە نزیك بووەتەوە و لەم هەفتەیەدا هەردوو یانەی ئەتلەنتیكۆ و بەرشەلۆنە لەبارەی ئەو یاریزانەوە كۆدەبنەوە. 

ڕادیۆی كادینا سێری ئیسپانی رایگەیاند، ئەتلەتیكۆ مەدرید بێ چارەسەر ماوەتەوە لەوەی ئەنتوان گریزمان، هێرشبەری ئەتلەنتیكۆ مەدرید، رازی بكات بەمانەوەی بۆیە پێدەچێت بیوێت بە نرخێكی گران بیفرۆشێت بە بەرشەلۆنە. 

ئەو رادیۆیە باسی لەوە كردوووە  لەم هەفتەیەدا كارگێڕی هەردوو یانەی ئەتلەنتیكۆ مەدرید و بەرشەلۆنە كۆدەبنەوە لە پێناوی دیاریكردنی بڕی مامەڵەكەی نێوانیان و گواستنەوەی گریزمان بۆ یانە كەتەلۆنیەكە.

ئاماژەی بەوەش كردووە، بژاردەیەكی تر لە بەردەم یانە كەتەلۆنیەكەدایە، ئەویش دانی بڕی سزای هەڵوەشاندنەوەی گرێبەستەكەی گریزمان بە یانە مەدریدیەكە، كە لە تەمووزی داهاتوودا دەبێتە ١٢٠ ملیۆن یۆرۆ.