خلێفی هەمان وەڵامی بەرشەلۆنە بە ڕیاڵ مەدرید دەداتەوە

ناسر خڵێفی، سەرۆكی یانەی پاریس سانجێرمان

ژیان: 
سەرۆكی یانەی پاریس سانجێرمان دەیەوێت ریاڵ مەدریدیش بە دەردەی بەرشەلۆنە بەرێت و بڕی 210 ملیۆن یۆرۆی بۆ كڕینی سێ یاریزانەی ئەو یانەیە تەرخان كردووە. 

هەرچەندە پێشتر بەرشەلۆنە دەیویست ماركۆ ڤیراتی لە یانەی پارییس سانجێرمان بكڕێت بەڵام ناسر خڵێفی، سەرۆكی یانەی پاریس سانجێرمان بە كڕینی نەیمار داسلڤای بەرازیلی لەو یانەیە كۆتایی بەو دەنگۆیانە هێنا، ئێستاش دەوێت هەواڵی كڕینی مباپێ و نەیمار لەلایەن ریاڵ مەدریدەوە بەهەمان شێواز وەڵام بداتەوە. 

رۆژنامەی Le Parisien ی فەرەنسی رایگەیاند: خلێفی گرێبەستێكی بۆ كڕینی ھەرسێ یاریزان، ئیسكۆ و بەیڵ و كرۆس ئامادە كردووە بۆ وەرزی 2019 بۆ 2020ك بڕەكەی 210 ملیۆن یۆرۆیە بۆ هەر سێ یاریزانەكە. 

لە ئێستادا ئەو یانەیە چاوەڕوانی وەڵامی زیدانی راهێنەر دەكات كە بۆ بەیڵ بڕیاریداوە بەڵام تا ئێٍستا لەبارەی ئیسكۆ و كرۆس یەكلایی نەبووەتەوە.