ئۆتۆمبێلێكی فریاكەوتن وەرگەڕاو 4 كەس بریندار بوون


ژیان: 
ئۆتۆمبێلێكی فریاكەوتن، تووشی رووداوی هاتوچۆ بوو و بەو هۆیەوە وەرگەڕا و لە ئەنجامدا چوار كەس برینداربوون.

دوانیوەڕۆی‌ ئەمڕۆ ئۆتۆمبێلێكی‌ فریاكەوتن كە بە هانای‌ نەخۆشێكەوە چووە له ‌ترافیك لایتی‌ پاركی ئازادی شاری سلێمانی تووشی‌ رووداوی‌ هاتووچۆ بوو. 

لە رووداوەكەدا چوار كەس بریندار بوون و د. یاد نەقشەبەندی، وتەبێی بەرێوەبەرایەتی تەندروستی سلێمانی، رایگەیاندووە "كاتێك پۆلیسی هاتووچۆی نزیك ترافیكەكە رێگەی‌ بە  ئۆتۆمبێلەكەی‌ فریاكەوتن داوە بڕوات، ترافیكێكی‌ تر سەوز بووە و ئۆتۆمبێلێكی تۆیۆتا پیكاب  هاتووە ولەگەڵ ئۆتۆمبێلی فریاكەوتنەكە‌ پێكیانداداوە و بەو هۆیەوە ئۆتۆمبێلی فریاكەوتنەكە‌ وەرگەڕاوە".