كۆتینیۆ بەرەو پاریس دەڕوات


ژیان: 
لە ماوەی چەند رۆژی رابردوودا بەرێوەبەری كارەكانی كۆتینیۆ چاوی بە بەرپرسانی یانەی پاریس سانجێرمان كەوتووە و لەبارەی گواستنەوەی بۆ ئەو یانەیە گفتوگۆیان كردووە. 

رۆژنامەی مۆندۆ دیپۆرتیڤۆ، رایگەیاند: كیا جۆرابشیان بەڕێوەبەری كارەكانی كۆتینیۆ لە لەندەن چەند جارێك بە مەبەستی گرێبەست لەگەڵ یانەی پاریس سانجێرمان چاوی بە بەرپرسانی یانەكە كەوتووە. 

هەرچەندە تا ئێٍتا هیچ گرێبەستێكی فەرمی بەو یاریزانە نەگەیشتووە و بەڵام رۆژنامەكە لە زاری سەرچاوەیەكی تایبەتەوە ئاشكرای كردووە كۆتینیۆ بە هاوڕێیەكانی وتووە پلانی ئەوە دادەنێت لە بەرشەلۆنە بڕوات. 

ئەوەش ئاشكرا كراوە كە گەڕانەوەی لیۆناردۆی بەرازیلی بۆ پۆستی بەڕێوەبەری وەرزشیی یانە پاریسیەكە، دەبێتە ئاسانكارییەكی بۆ ئەوەی یانەكە بە فەرمی بكات بۆ بەدەستهێنانی كۆتینیۆ.