روداوێكی هاتوچۆ 4 كوژراو و برینداری لێكەوتەوە


ژیان: 
كاتژمێر 6:30 ئێوارەی ئەمڕۆ لە سەر دووڕیانی كۆمەڵگای خەلیلكان لە سنووری قەزای ئاكرێ، ئۆتۆمبیلێكی جۆری پیكاب هیلۆكس وەرگەڕا، بەو هۆیەوە 4 كەس بوونە قوربانی.

دوای گەیاندنی قوربانییەكان بۆ نەخۆشخانەی فریاكەوتنی ئاكرێ، دوو كەس لە بریندارەكان یەكێكیان تەمەن 22 ساڵ و ئەویتریان تەمەن 26 ساڵ گیانیان لە دەستدا.

برینی 2 كەسەكەی دیكەش كە لە رووداوەكەدا بریندار بوون سەختە،  سەرجەم قوربانییەكان خەڵكی ناحیەی قەسرووكی سەر بە قەزای شێخانن.