ڤاڵڤێردی داوای یەكلایی كردنەوەی دوو گرێبەست دەكات

ئەرنستۆ ڤاڵڤێردی، راهێنەری یانەی بەرشەلۆنە

ژیان: 
راهێنەری بەرشەلۆنە داوای یەكلایی كردنەوەی گڕێبەستی دوو هێرشبەری گەورەی لە كارگێڕی یانەكەی كردووە و دەیەوێت هیڵی هێرشبەری یانەكەی بگەڕێنێتەوە دۆخێكی خێرا. 

رۆژنامەی سپۆرتی كەتەلۆنی ئاشكرای دەكات، ئەرنستۆ ڤاڵڤێردی، راهێنەری یانەی بەرشەلۆنە، داوای لە كارگێڕی یانەكەی كردووە بە زوترین كات كار بكەن بۆ گێرانەوەی نەیمار و  كۆتایی هێنان بە گرێبەستی ئەنتوان گریزمان. 

ئەو سەرچاوەیەی رۆژنامە كەتەلۆنیەكە رایگەیاندووە پێشبینی دەكرێت لە ماوەی ئەم هەفتەیە گرێبەستی گریزمان یەكلایی بكرێتەوە، یانەی ئەتلەنتیكۆ مەدرید دەیەوێت نیلسۆن سیمیدۆ تێهەڵكێشی گرێبەستەكەی گریزمان بكرێت، بەڵام راهینەری بەرشەلۆنە رەتیكردووەتەوە. 

رۆژنامەكە ئاشكرای كردووە رێبەستی بەرشەلۆنە و نەیمار یەكلایی كراوەتەوە و ئەو یاریزانە لەگەڵ بەرشەلۆنەدا گەیشتونەتە رێكەوتن تەنها رێكەوتن لەگەڵ یانەی پاریس سانجێرمان ماوە ئەنجامی بدات.