پاریس مەرجەكانی لەسەر رۆشتنی نەیمار ئاشكرا كرد


ژیان: 
میدیایەكی فەرەنسی ئاشكرای دەكات كە یانەی پاریس سانجێرمان رەزامەندی داوە بە رۆشتنی نەیمار داسلڤا، ئەستێرەی بەرازیلی یانەكەیان و تەنها مەرجێكیشی بۆ یانە كەتەلۆنیەكە دیاری كردووە. 

رۆژنامەی لیكێپی فەرەنسی، رایگەیاند، بەرپرسانی یانەی پاریس لاریان نییە لەوەی نەیمار بدەنەوە بە بەرشەلۆنە، بەڵام یاریزانێك و پارەیەكی زۆریان لە بەرامبەردا دەوێت. 

رۆژنامەكە ئاشكرای كردووە یانە فەرەنسیەكە دەیەوێت لە ئەگەری رازی بونی بەرشەلۆنە بە مەرجەكەیان بە زوترین كات  كارەكانی گواستنەوەی نەیمار لە پاریس سان جێرمانەوە ئەنجام بدەن. 

ليكيپ مەرجەكەی پاریسی ئاشكرا كردووە و دەڵێت یانەكە داوای فلیپی كۆتینیۆی بەرازیلی و بڕی 170 ملیۆن یۆرۆیان لەبەرامبەر نیەمار دەوێت.