فاوڵێكی گەورەی ڕاگەیاندنی ئێران...!


ژیان: د. سەنگەر سەیدقادر

چەند ڕۆژ پێش ئێستا تەلەفزیۆنی فەرمی ئێران وەك تەحەدایەك بۆ ئەمەریكا ڕاپۆرتێكی بڵاو كردەوە كە بەشێكی بە مانگی دەستكرد وێنە گیرابوو لە سەر چۆنیەتی خۆ دەربازكردن و ڕێگاكانی خۆشاردنەوەی ئێران لە سزا ئابوریەكانی ئەمەریكا، دواتریش كەناڵەكانی العالم ی ئێرانی بەزمانی عەرەبی و پرێس تیڤی ئێرانی بەزمانی ئینگلیزی ڕاپۆرتەكەیان بڵاو كردوە

لەدوای ڕاپۆرتەكە ئەمڕۆ كەشتیەكی نەوت هەڵگری ئێران بە دوو ملیۆن بەرمیل نەوتەوە لە گەروی جەبل تاریق لەلایەن هێزە تایبەتەكانی بەریتانیاوە لەسەرداوای ئەمەریكا دەستی بەسەردا گیرا، ئەمڕۆش كەناڵە فەرمیەكانی ئێران ڕاپۆرتەكەیان لە پەیجەكانیان سڕیەوە، ئەمەش بەشێكی پەیوەندی بەشڵەژاوی دەسەڵاتی ئێرانەوەهەیە كەنازانێ چۆن ماڵە لەگەڵ فشارەكانی ئەمەریكا و فشارە ناوخۆیەكانی دا بكات

ئەمەیە پێی دەڵێن ڕاگەیاندنی نەزان و ساویلكە لە گەیاندنی پەیامی میدیایدا كە مەترسی لە دوژمن كەمتر نیە، چونكە ڕاگەیاندنەكانی ئێران بەو ڕاپۆرتە هەوڵی چەندین مانگەی ئیتلاعات و دەزگا هەواڵگریەكانی ئێرانیان پوچەڵكردە و دەسەتەكەیان كەشف كرد، بەوەش زیانێكی گەورەیان لە ئابوری و ستراتیژی ئێراندا بۆ خۆ دەربازكردن لە سزاكانی ئەمەریكا

تێبینی/ ئەمە وەك برادەری خراپ وایە كە لە دۆمینەیا لە تەنیشتەوە دا ئەنیشێت و پولەكانی دەست بۆ بەرامبەر ئاشكرا دەكات و دووشەش لەدەستا دەتۆپێنێ 




تۆڕی هەواڵی ژیان بەرپرس نییە لە ناوەڕۆکی ئەم نوسینە