دەمەوێت ببم بە وێنەكێشێكی جیهانی

سپێدە

ژیان: پەیام حازم

سپێدە كچێكی تەمەن دە ساڵانە، لە پۆلی چوارەمی سەرەتاییەو دەڵێت، خێزان رۆڵی سەرەكیان هەیە لە هاندانی خەونی منداڵدا. ئامانجەتی ببێتە وێنەكێشیكی جیهانی.

سپێدە ئامانج(10ساڵ)، پۆلی چواری سەرەتاییە، دانیشتوی شاری هەولێرە‌و وێنەكێشە بۆ ژیان ووتی "لە منداڵیەوە تەمەنم سێ ساڵ بووە وەك زۆربەی منداڵەكانی تر وێنەم كێشاوە بەشێوەیەكی ئاسایی‌و حەزی منداڵی، بەڵام دواتر خێزانەكەم زۆر هاوكارم بوون بەتایبەت دایكم هەمێشە لەگەڵمەو زۆر هاوكارو پاڵپشتمە، لە هەركوێ پێویست بێ من لەوێ بم دایكم لە تەنیشتمەوە وەستاوە، تا گەیشتم بەم ئاستەی ئێستا‌و بەردەوامیش دەبم خوێندنگاكەشم هاوكارمە".

سپێدە سەبارەت بە كردنەوەی پێشانگای تایبەت بە وێنەكانی دەڵێت، یەكەم پێشانگام بە سەربەخۆی ئەنجامدا‌و سەرجەم وێنەكان هی خۆم بوو، پێشانگای دووەمم بەهاوبەشی لەگەڵ مامۆستا هەڤاڵ بوو، بەمزوانەش لە گرتوخانەی چاكسازی هەولێر پێشەنگایەكی تر دەكەمەوە.

ئەم وێنە كێشە بچوكە پێی وایە، منداڵی لەمن بچوكتریش هەیە وێنە كێش بێت، بەڵام لەلایەن خێزانەكانیانەوە پاڵپشتی‌و دەستگیرۆی نەكراون بۆ ئەوەی وەك من دەركەون‌و كارەكەی خۆیان درێژە پێبدەن، بۆیە پێویستە جگە لە خێزان مامۆستایانیش هاوكاری بەهرەی فێرخوازەكان بن.

سپێدە باسی وێنەكانی دەكات‌و دەڵێت، وێنەكانم تێكەڵاون‌و هەموو جۆرە وێنەیەك دەكێشم‌و دەچمە سروشت‌و وێنەكانم لە سروشتیشدا دەكێشم، خەونی من ئەوەیە لە داهاتودا ببمە وێنەكێشێكی جیهانی.