زیاتر لە 20 بوومەلەرزە لە پارێزگای بەسرە ڕوویدا

بومەلەرزە

ژیان:
دەستەی گشتی كەشوهەواو بومەلەرزەزانیی عێراق ڕایگەیاند، دانیشتوانی پارێزگای بەسڕە هەستیان بە 29 بومەلەرزەی یەك لەدوای یەك كردوە لە دوێنێ دووشەممەوە.

لە بەیاننامەیەکدا دەستەی گشتی كەشوهەوا و بومەلەرزەزانیی عیراق ڕایدەگەیەنێت، لە رۆژی دووشەممەوە 29 بومەلەرزە لە پارێزگای بەسرەدا تۆماركراوە.
ئاشکراشی کردووە، ئەو بوومەلەرزانە سەرچاوەكەشی لەناوچەی "مسجد سلیمان"ەوە بوە لە خۆرئاوای ئێران.

بەگوێرەی داتاكان، بومەلەرزە سەرەكییەكە پلەكەی 4.1 پلە بووە و ئەوانی دیكە لە ئەنجامی بومەلەرزە سەرەكییەكەوە دروستبوون.

دوێنێ دووشەممە چەند بوومەلەرزەیەکی یەک لەدوای یەک  لە خۆرئاوای ئێران ڕوویدا و بەوهۆیەوە زیاتر لە 30 کەس بوونە قوربانی و زیانی ماددیەکی زۆریشی لێکەوەتەوە هاوکات یەکێک لەو بوومەلەرزانە لە شاری سلێمانی باشووری کوردستانیش هەستی پێکرا.