پەرلەمانی کوردستان تەقینەوەكانی قامیشلۆ و عەفرین ئیدانە دەكات

پەرلەمانی کوردستان

ژیان:

سەرۆكایەتیی پەرلەمانی كوردستان لەپەیامێكی هاوخەمیدا ئیدانەی تەقینەوەكانی قامیشلۆ و عەفرین دەكات و دەڵێت، ئەنجامدانی ئەو تەقینەوانە سەلمێنەری ئەوەیە كە پێویستە هەمووان بەیەكڕیزی بۆ بەرگری لە خاك و بەرپەرچدانەوەی تیرۆریستان دەستبخەینە ناو دەست.

سەرۆکایەتی پەرلەمانی کوردستان لە پەیامێکیدا ئاماژە بۆ ئەوە دەکات، بەداخ و كەسەرێكی زۆرەوە هەواڵی تەقینەوەكەی قامیشلۆ و عەفرین-مان بیست كە بووە هۆی شەهیدو برینداربوونی ژمارەیەك لە خەڵكی مەدەنیی ئەو دوو شارە خۆشەویستە، وێڕای هاوخەمی و هاوبەشی لەخەمی قوربانیان بەتوندی ئیدانەی ئەو كردەوە تیرۆریستییە دەكەین.

پەرلەمانی کوردستان داوای یەکڕیزی و یەکدەستی دەکات و دەڵێت، ئەنجامدانی ئەو تەقینەوانە سەلمێنەری ئەوەیە كە پێویستە هەمووان بەیەكڕیزی و یەكدەستی بۆ بەرگری لە خاك و بەرپەرچدانەوەی تیرۆریستان دەستبخەینە ناو دەست.

لەبەشێكی دیكەی پەیامەكەدا داوا لەفەرمانگەكانی حكومەتی هەرێمی كوردستانیش دەكات لەهەبوونی هەر پێویستییەك بۆ هاوكاریكردنی قوربانیان و خەڵكی رۆژئاوای كوردستان درێغی نەكەن.