گرژیی و ئاڵۆزییەکان لە سوریا بەردەوامە

زیاتر لە 80 کەس کوژران
بۆردومانەکانی سوریا

ژیان:

ڕوانگەی سوری بۆ مافەکانی مرۆڤ ڕایدەگەیەنێت، شەڕو پێكدادان لە نێوان سوپای سوریا و گروپە چەكدارەكان لە باكووری خۆرئاوای سوریا ڕوویداوە و بەو هۆیەوە زیاتر لە 80 كەس لە هەردوولا کوژراون.

ڕوانگەی سوری بۆ مافەكانی مرۆڤ بڵاوی كردەوە، دوای ئەوەی شەوی چوارشەممەی ڕابردوو هێزەكانی سوپای سوریا هێرشیان كردوەتە سەر گوندی حەمامیاتی پارێزگای حەما لە باكووری خۆرئاوای سوریا و كۆنترۆڵیان كردوە.

شەوی رابردوو چەكدارانی چەند گروپێكی چەكداری كە لە ناویاندا بەرەی رزگاریخوازیی شام بەشداریی كردبوو، هێرشیان كردوەتە سەر سوپای سوریا بە ئامانجی كونترۆڵكردنەوەی ئەو گوندەی پارێزگای حەما.

ئاماژە بۆ ئەوەشکراوە، لە ئەنجامی ئەو شەڕ و پێکدادانەی ڕوویداوە و سوپای سوریا فڕۆكەی بەكارهێناوە 82 کەس  لە هەردوو لا كوژراون.