کەرکوک؛ دژی پارێزگاری نوێ خۆپیشاندان دەکرێت

کەرکوک

ژیان:

عەرەبەکانی کەرکوک بڕیاریان داوە دژی پارێزگاری نوێ بۆ کەرکوک ئەمڕۆ خۆپیشاندانێک ئەنجام بدەن، بەرپرسانی یەکێتیش لەو پارێزگایە دەڵێن ئامادەکاریی تەواویان کردووە بۆ هەر جۆرە پەلامارێک بۆ سەر مەڵبەندی کەرکوک ی یەکێتی.

پاش واژۆکردنی ڕێککەوتنەکەی نێوان یەکێتی و پارتی لەسەر دانانی تەیب جەبار نوسەر و رۆشنبیری شاری كەكوك وەك پارێزگاری شارەكە، بریارە ئەمڕۆ عەرەب و توركمانەكانی شاری كەركوك وەك ناڕەزایی دەربڕین لە بونی پارێزگارێكی كورد لەو شارە خۆپیشاندان ئەنجام دەدەن.

بەرپرسانی یەکێتی لەو پارێزگایە سەبارەت بە خۆپیشاندانەکانی ئەمڕۆ ڕایانگەیاندووە، ئێمە بەرگری دەکەین لە هەر ئەگەرێکی نەخوازراو و ئەگەریش پەلامار بدرێین بەرگری دەکەین.

ئەوەش ئاشکرا کراوە، لە ئێستادا بارەگای مەڵبەندی کەرکوکی یەکێتی تەنها پاسەوانەکانی خۆی دەیپارێزێت و هیچ  هێزیک ڕەوانە نەکراوە.

بڕیارە کاتژمێر 5ی ئێوارەی ئەمڕۆ هەینی لەبەردەم بینای پارێزگا خۆپیشاندانی عەرەب  و تورکمانەکانی کەرکوک ئەنجامبدرێت دژی دانانی پارێزگارێکی کورد و پشتیوانیکردن لەراکان جبوری، هاوکات شوێنی خۆپیشاندانەکە نزیکە لەبارەگای مەڵبەندی یەکێتییەوە.