سلێمانی؛ بەهۆی ڕووداوێکی هاتوچۆوە دووکەس بریندار بوون

دیمەنێک لە ڕووداوە هاتوچۆکە

ژیان:

هاتوچۆی سلێمانی ڕایدەگەیەنێت، له‌ ئەنجامی رووداوێكی‌ هاتووچۆدا له‌سه‌ر شه‌قامی بازنه‌یی مه‌لیك مه‌حمود دوو كه‌س برینداربوون.

ڕاگەیاندنی هاتوچۆی سلێمانی لە ڕاگەیەندراوێکدا ئاماژەی بۆ ئەوە کردووە "كاتژمێر 7ی‌ به‌یانی ئه‌مڕۆ سێشه‌ممه‌ له‌ ئاكامی پێكدادانی ئۆتۆمبێڵێكی تایبه‌ت له‌گه‌ڵ بارهه‌ڵگرێك له‌ جۆری ته‌نكه‌ر له‌سه‌ر شه‌قامی بازنه‌یی مه‌لیك مه‌حمود دوو هاووڵاتی برینداربوون".

هەر لە ڕاگەیەندراوەکەی هاتوچۆی سلێمانیدا هاتووە "هۆكاری رووداوه‌كه‌ تیژڕه‌وی ئۆتۆمبێله‌ تایبه‌ته‌كه‌ بووه‌ كه‌خۆی كێشاوه‌ به‌ تانكه‌ره‌كه‌دا".

ڕوونیشیکردووەتەوە "دوای وه‌رگه‌ڕانی ئۆتۆمبێله‌ تایبه‌ته‌كه‌، ستونی شۆسته‌ی ناوه‌ندی شه‌قامه‌ سه‌ره‌كیه‌كه‌ رایگرتووه‌".