بڕی 10 كیلۆ مادەی هۆشبەر لە هەولێر دەستی بەسەرداگیرا


ژیان: 
ئەمڕۆ لەلایەن بەڕێوەبەرایەتی گشتی نەهێشتنی ماددە هۆشبەرەكانی هەولێرەوە دەست بەسەر بڕی 10 كیلۆگرام مادەی هۆشبەری جۆری هێرۆیندا گیرا. 

بەڕێوەبەرایەتی گشتی نەهێشتنی ماددە هۆشبەرەكانی سەر بە ئاژانسی پاراستن رایگەیاند: ئەمڕۆ 23ی تەممووزی 2019، لە كۆمەڵگەی پیرزینی شاری هەولێر 10 كیلۆگرام ماددەی هۆشبەر لە جۆری هیرۆین دەستی بەسەردا گیرا.

بەگوێرەی راگەیەندراوی بەڕێوەبەرایەتیەكە، لە ئۆپەراسیۆنەكەیاندا، دوو كەس دەستگیركراون كە ماددە هۆشبەرەكەیان پێبووە، ئەو دوو تۆمەتبارە بە رەگەز ئێرانین و بە پێی یاسای 14 بەرەنگاربوونەوەی ماددە هۆشبەرەكان دراونەتە دادگا.