لە ڤێتنام 55 شاخی كەركەدەن دەستی بەسەردا گیرا كە بایی 4 ملیۆن دۆلار بوو


ژیان: 
بە تەنها 55 پارچە شاخی كەركەدەن كە كێشەكەیان دەكاتە 125 كیلۆگرام لە وڵاتی ڤێتنام دەستی بەسەردا گیرا كە بەهاكەی 4 ملیۆن دۆلارە. 

فەرمانگەی گومرگ لە ڤێتنام دەستیبەسەر ١٢٥ كیلۆ شاخی كەركەدەندا گرت كە 55 پارچە بوو بەهاكەی بە ٤ ملیۆن دۆلار دەخەملێندرێت.

ئەو شاخە كەركەدەنانە بەشێوەیەكی نایاسایی ویستراوە لە فڕۆكەخانەی نێودەوڵەتی هانۆی ببرێتە دەرەوە بەڵام لەلایەن پۆلیسی گومركەوە دەستی بەسەردا گیراوە.

ئەو كەركەدەنانە كە جۆریان بەرەو نەمان دەڕوات، شاخەكانیان بۆ چەندین جۆر چارەسەر بەكاردێت كە لە نێو ئەو نەخۆشیانەشدا شیرپەنجەش هەیە، بە هۆیەوە كڕیارێكی زۆری هەیە لە هەندێك لەناوچەكانی ئاسیا.