دوای راگەیاندنی سزاكەی سبەینێ میسی دەگەڕێتەوە بۆ راهێنانەكانی


ژیان: 
ئەستێرە ئەرجەنتینیەكەی یانەی بەرشەلۆنە كۆتایی بە پشووەكانی هێناو سبەینێ دەست بە مەشق و راهێنانەكانی دەكاتەوە.

بەهۆی بەشداریكردنی لەكوپا ئەمەریكای 2019، ئیدارەی بەرشەلۆنە رێگەی بە لیۆنێل میسی دابوو تا سبەینێ بەشداری هیچ راهێنانێكی یانەكە نەكات.

ئەوە لە كاتیكدایە ئەمڕۆ یەكێتی تۆپی پێی ئەمریكای باشوور سزادانی ئەو یاریزانەی راگەیاند كە بۆ ماوەی 3 مانگ لە یاریەكانی هەڵبژاردەی ئەرجەنیتن دووری خستەوە و بە 50 هەزار دۆلاریش سزای مادی ئەو یاریزانەیدا.