لە حاجی ئۆمەران مادەی ھۆشبەر لەناو كارتۆنی شیرینی دەستی بەسەردا گیرا

ئەو شیرینیەی ماددە هۆشبەرەکەی تێدا شاردرابوەوە

ژیان:

ئاسایشی کۆمەڵگای دەروازەی نێودەوڵەتی حاجی ئۆمەران رایگەیاند، توانیویانە دەستبەسەر بڕێک ماددەی هۆشبەردا بگرن کە هەوڵدراوە لەناو کارتۆنی شیرینیدا بهێنرێتە هەرێمی کوردستان.

بنكەی مادەی نەھێشتنی مادە ھۆشبەرەكانی سەر بە ئاسایشی سۆران لە راگەیەندراوێكدا ئاشكرای كرد "لەلایەن بەڕێوەبەرایەتی ئاسایشی کۆمەڵگای دەروازەی نێودەوڵەتی حاجی ئۆمەران، توانرا کەسێک دەستگیر بکرێت کە هەوڵیدا لەناو کارتۆن شیرینی بە هاوردەکردنی ماددەی ھۆشبەر بۆ ناو هەرێمی کوردستان".

جێی باسە، هێزەکانی ئاسایشی هەرێمی کوردستان رۆژانە هەواڵی دەستبەسەرداگرتنی ماددەی هۆشبەر و تۆمەتبارانی کێشان و بەکارهێنانی ئەو ماددەی بڵاودەکەنەوە.