وەزیری دەرەوەی ئێران بۆچی دەست لەكار دەكێشێتەوە؟


ژیان: سەنگەر سەید قادر

محمد جەواد زەریفی وەزیری دەرەوەی ئێران هەڕەشەی دەست لە كاركێشانەوە دەكات بە هۆی پەخشكردنی درامایەكەوە لە كەناڵی ٣ ئێران  كە سەر بە دەزگای هەواڵگری سوپای پاسدارانی ئێرانە و لە دراماكەدا هێرش كراوەتە سەر حكومەت و جەواد زەریفی وەزیری دەرەوە.

درامای گاندۆ  كە لە سەرەتای مانگی ڕابردووە لەكەناڵی ٣ ئێران ( شبەكە٣) بەخشدەكرێت و دراماكە باس لە چیرۆكی بەرنامە ئەتۆمیەكەی ئێران و ڕێكەوتنی وڵاتانی ڕۆژئاواو ئێران و هەوڵە سیخوڕیەكان بۆ لەكار خستنی و پرسی ئازاد كردنی سیخوڕە ئەمەریكیەكان دەكات لە لایەن ئێرانەوە.

لە درامەكەدا هێرشكێ توند كراوە تە سەر محمد جەواد زەریفی وەزیری دەرەوە و كەسایەتی وا نیشاندراوە كە كەسیكی خۆفرۆشە و نزیكە لە ڕۆژئاواوە و دژی دام و دەزگا ئەمنیەكانی ئێران و سوپای پاسداران كاردەكات و دەویەوێت ئێران. بخاتە ژێر دەسەڵاتی ئەمەریكاوە.

هەر لە دراماكەدا وەها باسی حكومەتەكەی ڕووحانی دەكات كە حكومەتێكی گەندەڵە و وەزیرەكانی بۆ بەرژەوەندی خۆیان كار دەكەن و ڕووی شوڕش و ڕابەری باڵای شۆڕشیان ناشیرین كردوە و خەڵكیان توڕە و نیگەران كردوە، مەترسین بۆسەر ئایندەی ئێران و بەردەوامی شۆڕش.

دراماكە هەر بەتەنها  محمد جەواد زەریفی توڕە نەكردوە، بەڵكو حسن ڕۆحانی سەرۆك كۆمار و وەزیرەكانی حكومەتیشی توڕە كردوە و داوایان لە دەستەی ئیرشادی كۆماری ئیسلامی و دامەزراوەی تەلەفزیۆنی ئێران كردوە دراماكە ڕابگرێت، بەڵام تائێستا  گوێ بەو ناڕەزایەتیانە نەدراوە ودراماكە بەردەوامە لەپەخشكردن.

درامای گاندۆ لە لایەن دامەزراوەی ئەوینی سەربە هێزەكانی بەسیجەوە بەرهەم هێنراوە، بەڕێوبەری دراماكە كە لەهەمانكاتدا بەڕێوبەری تۆڕی ڕاگەیاندنی ئەوینە مەهدی تائیبی برای حسین تائیبی سەرۆكی دەزگای هەواڵگری سوپایی پاسدارانە.




تۆڕی هەواڵی ژیان بەرپرس نییە لە ناوەڕۆکی ئەم نوسینە