تورکیا بەفەرمی وەڵامی هەڕەشەکەی ئەمریکای دایەوە

رەجەب تەیب ئەردۆغان، سەرۆک کۆماری تورکیا

ژیان:

رەجەب تەیب ئەردۆغان، سەرۆک کۆماری تورکیا وەڵامی هەڕەشەکەی ئەمریکا دەداتەوە لەباری هێرشکردنە سەر رۆژئاوای کوردستان و رایدەگەیەنێت، ئەگەر لە ئێستادا تورکیا هەنگاوی پێویست نەنێت لە سوریا، ئەوا لە داهاتودا باجەکەی قورس دەبێت.

ئەمڕۆ سێشەممە، رەجەب تەیب ئەردۆغان سەرۆک کۆماری تورکیا رایگەیاند "ئەگەر بێت و لە ئێستادا تورکیا ئۆپراسۆن بۆسەر باکوری سوریا ئەنجام نەدات، ئەوا لە داهاتودا باجەکەی دەدەین و ئاسایشی نیشتیمانتمان دەکەوێتە مەترسییەوە".

ئەردۆغان ئاماژەشی بەوەدا، هەردو لەشکرکێشی چلە زەیتون و قەڵغانی فورات کە تورکیا لە ماوەی رابردودا کردویەتە سەر ناوچە کوردیەکانی سوریا، دەچێتە قۆناغێکی نوێوە.

ئەوەش لە کاتێکدایە هەر ئەمڕۆ، مارک ئیسپەر، وەزیری بەرگری ئەمریکا بەتوندی هەڕەشەی لە تورکیا کرد لەبارەی هێرشکردنە سەر باکوری سوریا و ڕایگەیاند کە ئەو هێرشە بەهیچ شێوەیەک قبوڵکراو نیە.