بوك و زاوایەك لە سەر چیایەكی بەرز پڕۆسەی مارە بڕینیان ئەنجامدا


ژیان: 
بوك و زاوایەكی تورك لەسەر شاخێك پڕۆسەی مارە بڕین ئەنجام دەدەن، بەهۆی ئەوەی خۆیان شاخەوان بوون و ئەو بڕیارەیانداوە. 

سەرۆكی شارەوانی توزلوجا، لە پێناو مارە بڕینی ئەو دوو كەسەدا چووە سەر چیای تەكەلتی كە دوو هەزار و550 مەتر لە ئاستی رووی دەریاوە بەرزە  و مارە بڕینەکەی ئەنجامدا.

بوكەكە ناوی ئەكین كایادیبی یە و دەڵێت ''نزیكەی دوو ساڵ لەمەوبەر لەسەر 'شاخی زۆر' بڕیاری هاوسەرگیریماندا. بیرمان كردەوە و پلانمان داڕشت دوای ئەوەی بەسەر لوتكەی شاخی تەكەلتی-دا هەڵگەراین مەراسیمی هاوسەرگیریەكەمان بەڕێوەبەرین. زۆر دڵخۆشین".

زاواكەش كە ناوی زەكی میكیاس، دەڵێت: زۆر جار بەسەر شاخدا سەركەوتوون، بەڵام ئەمجارە جیاوازبووە، هەڵگەرانەكە زۆر مایەی دڵخۆشی بوو. ئێمە خۆمان وەرزشی شاخەوانی دەكەین، كاتێك وەرزشمان دەكرد ئەو بیرەمان بۆهات. ئەگەر هاوسەرگیری بكەین و شاخەوان بین دەبێت لەسەر لوتكەی شاخێك هاوسەرگیری بكەین و لەسەر شاخی تەكەلتی چووینە ژیانی هاوسەرگیریەوە.