تۆنی مۆریسۆن، خاوەنی خەڵاتی نۆبڵ كۆچی دوایی كرد


ژیان: لوقمان غەفوور
سەرلەبەیانی ئەمڕۆ 6ی ئاب بەكاتی واشنتۆن، ژنە رۆمانووسی ئەمریكی و خاوەنی خەڵاتی نۆبڵ لەئەدەب-دا لە تەمەنی 88 ساڵیدا، كۆچی دوایی كرد.

تۆنی مۆریسۆن یەكەم ژنە رەش پێستی ئەفریقا – ئەمریكایە لە مێژوودا ئەو خەڵاتەی پێبدرێت ئەویش لەپای كارە بەناوبانگەكانی وەك "جاز" لەساڵی 1992 و پێشتریش شاكاری "خۆشەویست" و "گۆرانی سۆلۆمۆن" دەنگدانەوەی گەورەی دروستكرد، هەروەها لە ساڵی 1996 یش بە رۆمانی "بەهەشت" دنیای ئەدەبی ئەمریكی خرۆشان.

هەروەها ئەم ژنە رۆماننوسە بەشی زۆری كارەكانی، لە دنیای بێدادی و ناعەدالەتی كۆمەڵایەتی و كێشەی رەش پێستەكانی ئەمریكادا، دەسوڕایەوە و تێكڕای كارەكانیشی 11 رۆمان و 5 كتێبی منداڵان و چەند دەقێكی شانۆییە.

ساڵی نەوەدەكان بەساڵی خەڵاتەكان بۆ تۆنی مۆریسۆن ناسراوە، 1993 خەڵاتی نۆبل لە ئەدەب، 1996خەڵاتی بەشدارێتی باشتریین لەدامەزراوەكانی نیشتمانی كتێب-ی پێبەخشرا. 

باراك ئۆباما-ی سەرۆكی پێشووی ئەمریكا یەكێك بووە لەو سەرۆكانەی سەرسام بووە بە كارەكانی مۆریسۆن و هەرئەمڕۆش دوابەدوای مردنەكەی باراك ئۆباما لە تویتێكدا نوسیویەتی:"مۆریسۆن سامانێكی نیشتمانی بوو.." .

سەرچاوە: سی ئێن ئێن