وەزارەتی دەرەوەی ئێران دانوستان لەگەڵ ئەمریكا رەتدەكاتەوە


ژیان: 
وتەبێژی وەزارەتی دەرەوەی ئێران وەڵامی ئەمریكا دەداتەوە و دەڵێت ئێمە ناچینە گفتوگۆیەكەوە كەپێوەرە نێو دەوڵەتیەكانی تیادا رەچاو نەكرابێت.

عەباس موسەوی، وتەبێژی وەزارەتی دەرەوەی ئێران، رایگەیاند: ئەمریكییەكان لەئێستادا بێهودە چاوەڕێ دەكەن كە كاربەدەستانی ئێران پەیوەندیان پێوە بكەن بەمەبەستی دانوستان.
ناوبراو لە وەڵامی وەزارەتی دەرەوەی ئەمریكا وتیشی: با ئەمریكییەكان چاوەڕێی پەیوەندی ئێمە نەكەن بۆ دانوستان، ئەمریكا ماوەیەكی درێژە چاوەڕێیە كە ئێمە پەیوەندیان پێوە بكەین بەڵام ئەوە رونادات. 

ئەو رەتیشیكردەوە وڵاتەكەی دەستپێشخەری بكات بۆ دانوستاندن لەگەڵ ئەمریكا ئەگەر ماف و پێوەرە نێودەوڵەتییەكان ڕەچاو نەكرێت. 

ئەو باسی لەوەش كردووە "مرۆڤی ژیر كاتێك لەژێر فشاردا بێت و تفەنگ لەسەر سەری بێت دانوستان ناكات، ئەمریكا لەلایەكەوە عەلی خامنەیی ڕێبەری ئێمەیان خستووەتە لیستی گەمارۆ و گەرمارۆیان خستووەتە سەر محەممەد جەواد زەرید فەرماندەی دیپلۆماتی وڵاتەكەمان و لە لایەكی دیكەشەوە باسی دانوستان دەكەن، ئەمە نیشانەی ڕاستگۆنەبوونی ئەم