چێڵسی و مان یو ناتوانن ببنە ركابەر بۆ پاڵەوانی پریمەرلیگ


ژیان: 
راهێنەرێكی ناسراوی ئەوروپا پێیوایە تیپی دووەمی مانچستەر سیتی لە یوناتد و چێڵسی بەهێزترە و دەتوانێت ركابەری بكات بۆ بردنەوەی پریمەر لیگ. 

خۆزێ مۆرینهۆ، راهێنەری پورتوگالی، رایگەیاند: مانچێستەر سیتی، تۆتێنهام، لیڤەرپوول و تیپی دووەمی مانچستەر سیتی كاندیدن بۆ بردنەوەی ئەم خولەی پریمەرلیگ. 

ئەو راهێنەرە كە لە ئێٍستادا گرێبەستی لەگەڵ كەنالڵی سكای سپۆرت هەیە بۆ شرۆڤە كردن دەشڵێت "كاتێك لە یارییەكەی نێوان مانچێستەر سیتی و وێستهام یونایتد سەیری كورسی یەدەگی تیپەكەی گواردیۆلام كرد بۆم دەركەوت ئەو یاریزانانە لە مان سیتی یەدەگەن ئەگەر تیپێك دروست بكەن دەتوانن ركابەری لەسەر بردنەوەی نازناوی پرێمەرلیگ بكەن".

مۆرینهۆ نەیشاردەوە كە مانچستەر یونایتد و چێڵسی ناتوانن ركابەری بردنەوەی جامەكە بكەن و ئەوان خاوەنی ئەو توانایە نین.