گرنگترین ڕووداوەكانی ئەمڕۆی جیهان


ژیان: سەنگەر سەید قادر


تۆڕی هەواڵی ژیان كورتەی هەواڵەكانی سەر ئاستی جیهان كۆ دەكاتەوە و بە رونكردنەوەیەك كورت لەگەڵیدا بۆ خوێنەرانی دەگوازێتەوە. 


١- عەبدوڵا عەتیەی فەرماندەی لیوای ٢٢ حەشدی شەعبی ڕایگەیاند هێرشێكی گەورەی داعشیان بۆسەر شاری كەركوك پوچەڵكردوەتەوە كە پلانیان دانابوو ئەمڕۆ یەكەم ڕۆژی جەژن هێرش بكەنە سەر كەركوك.

 هەروەها ڕاشی گەیاند لیوای ٢٠-٢٢  حەشدی شەعبی زانیاری هەواڵگریان هەبوو كە داعش لە نزیك ناحیەی ڕەشاد جموجوڵیان زۆر بوە و سەرقاڵی ئامادەكارین بۆ هێرش و بەرەبەیانی ئەمڕۆ هێرشیان كراوەتەسەر و پلانەكەیان پوچەڵكراوەتەوە.

٢- لە پارێزگای موسڵ محمد ئیبراهیمی سەرۆكی لیژنەی ئەمنی ئەنجومەنی پارێزگای موسڵ ڕایگەیاندوە كە هێزەكانی حەشدی شەعبی لە ڕۆژهەلاتی موسڵ ئۆتۆمبیلێكی بۆمب ڕێژكراویان پوچەڵكردوەتەوە و خۆكوژێكیان دەستگیركردوە.


٣- وەزارەتی ئیتڵاعاتی ئێران دەستگیركردنی ئەندامانی كۆمەڵەیەكی ڕاگەیاند كە ویستویان كودەتا بەسەر دەسەڵاتدا بكەن، هەروەها ڕاشیگەیاندوە ئەو گروپە لە شاری مەشهەد دەستگیر كراون لە كاتی پلاندانان. بۆ جێبەجێكردنی كودەتادا.


٤- وەزیری ناوخۆی عێراق ڕایگەیاند زیاتر لە ١٣ هەزار پۆلیسی ناوخۆی  موسڵ گەڕاێنراونەتەوە سەر كارەكانیان و كەنبەهۆی هەڵهاتنیان لەكاتی هیرشی داعشدا لە ساڵی ٢٠١٣ هەڵهاتبوون لە كار دورخرابوونەوە.

ئەم ڕاگەیاندنەی ئیتلاعاتی ئێران لەكاتێكدایە دوێنی ڕۆژنامەی نیۆرك تایمز ڕاپۆرتێكی بڵاو كردەوە تیایدا ئاماژەی بۆ ئەوە كردبوو كە سزاكانی ئەمەریكا ناكۆكی باڵەكانی ناو ڕژێمی ئێرانی قوڵكردوەتەوە، بەتایبەت باڵی علی خامەنەئی و حكومەتی ئێران.

٥- كوریای باكور بەسەر پەرشتی سەرۆكی كۆریا كیم جۆنگ ئۆن  موشەكێكی نوێی تاقی كردەوە، تەنها لە ١٥ ڕۆژدا ئەمە سێیەم تاقیكردنەوەیە كە چوار موشەكیان ئاراستەی كوریای باشور و یابان كراوە وەك ناڕەزایەتی و هۆشداری دان لە مانۆڕی سەربازی هاوبەشی كوریای باشور و ئەمەریكا و یابان.


٦- وەزیری دەرەوەی توركیا: ڕۆژهەڵاتی فورات لە تیرۆرستان پاك دەكەینەوە و ڕێگە نادەین ئەمەریكا وەك ڕێكەوتنەكەی منبج ئەمجارەش فریومان بدات.

 ٧- ڕەجەب تەیب ئەردۆگانیش ڕایگەیاند مانگی ئاب مانگی دەستكەوت و سەركەوتنە لە مێژووی توركیادا چاوەڕێ بن لەم مانگەدا سەركەوتنێكی مێژووی  بۆسەر خەرمانی سەركەوتنەكانمان زیاد دەكەین.

٨- سوپای توركیا شەهیدكردنی ٦ گەریلای پەكەكەی لە چیایی گارەی پارێزگای دهۆك ڕاگەیاند كەلە چوارچێوەی ئۆپەراسیۆنێكی سوپا و دەزگای هەواڵگری توركیا( میت) شەهید كراون.

 ٩- شەهید كردنی ئەو گەریلایانەی پەكەكە دوای ئەوە دێت دوو ڕۆژ پێش ئێستا عبدلله ئۆج ئالان لە پەیامێكی ئاراستەی توركیا كرد بۆ دەستپێكردنەوەی پرۆسەی ئاشتی .

١٠- ڕۆژی ١٤ ئەمانگە حەسن. ڕۆحانی و  سەرۆك كۆماری ئێران و ڤلادیمێر پۆتنی سەرۆكی ڕوسیا لە شاری سوتشی ڕوسیا كۆدەبنەوە ە پرسی كۆبونەوەكە ئاڵۆزیەكانی گەروی هورمز و ناكۆكیەكانی ڕوسیا و ئیران دەبێت لەسوریا.

 ١١- سعودیە بۆیەكەمجار هێزەكانی ئەنجومەنی بەڕێوبردنی عەدەنی لە نزیك كۆشكی كۆماری یەمەن بۆردومان كرد، ئەم. بۆردوومانە دوای ئەوەهات دوێنێ ئەو هێزانە دەستیان بەسەر كۆشكی كۆماریدا گرت دوای شەڕێكی پێنج ڕۆژە لەگەڵ هێزەكانی سعودیە و هێزەكانی حكومەتی یەمەندا.

١٢- وەزیری ناخۆی نەرویژ ڕایگەیاند وەك هێرشێكی تیرۆرستێ مامەڵە لەگەڵ ڕووداوی هێرشكردنەسەر  مزگەوتەكەی شاری ئۆسلۆدا دەكەن كە كەسێك بە چەك تەقەی لە  نوێژ خوینانی ناو مزگەوتەكرد.