باشماخ گەراجێكی تایبەت بۆ ئۆتۆمبێلی ئەو هاووڵاتیانە دەكاتەوە كه‌ ده‌چنه‌ ئێران

كۆمه‌ڵگای ده‌روازه‌ی نێوده‌وڵه‌تی باشماخ

ژیان:
به‌ڕێوه‌به‌رایه‌تی كۆمه‌ڵگای ده‌روازه‌ی نێوده‌وڵه‌تی باشماخ ئه‌و هاوڵاتیانه‌ی هه‌رێمی كوردستان ئاگادارده‌كاته‌وه‌ كه‌ سه‌ردانی ئێران ده‌كه‌ن، ده‌توانن بۆ ماوه‌یه‌كی كاتی ئۆتۆمبێله‌كانیان له‌ گه‌راجێكی تایبه‌تی ده‌روازه‌كه‌ به‌بێ به‌رامبه‌ر رابگرن

ئه‌مڕۆ سێ شه‌ممه‌ له‌ ئاگادارینامه‌یه‌كدا كه‌ وێنه‌یه‌كی ده‌ست (تۆڕی هەواڵی ژیان) كه‌وتووه‌، به‌ڕێوه‌به‌رایه‌تی كۆمه‌ڵگای ده‌روازه‌ی نێوده‌وڵه‌تی باشماخ ئه‌و دوو وێنه‌یه‌ی خواره‌وه‌ی بڵاوكردووه‌ته‌وه‌ و ئاماژه‌ی به‌وه‌كردووه‌" ئاگاداری گه‌شتیاران ده‌كه‌ینه‌وه‌ ئه‌وانه‌ی گه‌شتی ئێران ده‌كه‌ن، ده‌توانن بۆ ماوه‌یه‌كی كاتی و له‌ به‌رواری 13 ی 8 ی 2019 تا 25 ی 8 ی 2019، ئۆتۆمبێله‌كانیان له‌م گه‌راجه‌ نوێیه‌ راگرن كه‌ له‌ ژێر چاودێری هۆبه‌ی راگه‌یاندن و په‌یوه‌ندییه‌كانی به‌ڕێوه‌به‌رایه‌تی كۆمه‌ڵگه‌ی ده‌روازه‌ی نێوده‌وڵه‌تی باشماخدایه‌ و بێ به‌رامبه‌ر و له‌ ژێر كۆنتڕۆڵی ئه‌منی و پاسه‌واندایه‌ و ده‌توانن ئۆتۆمبێله‌كانتانی لێڕابگرن تا ده‌گه‌ڕێنه‌وه‌".

دەشڵێت" ئه‌مه‌ش له‌ پێناو خزمه‌تگه‌یاندن به‌و گه‌شتیارانه‌ی كه‌ كێشه‌ی شوێنیان هه‌بوو بۆ وه‌ستانی ئۆتۆمبێله‌كانیان".