روداوێكی هاتوچۆ له‌ده‌ربه‌ندیخان رویدا و كەسێك برینداربوو

وێنەی رووداوەكە

ژیان:
به‌ڕێوه‌به‌رایه‌تیی هاتوچۆی ده‌ربه‌ندیخان رایگه‌یاند، به‌هۆی وه‌رگه‌ڕانی ئۆتۆمبیلێكه‌وه‌، شۆفێر ئۆتۆمبیله‌كه‌ به‌ سوكی برینداربووه‌، ئه‌وه‌ش دوای ئه‌وه‌ دێت كه‌ له‌ یه‌كه‌م رۆژی جه‌ژندا ئۆتۆمبیلێك كه‌وته‌ناو ده‌ریاچه‌ی ده‌ربه‌ندیخان و دایك و كوڕێك بونه‌ قوربانی.

به‌ڕێوه‌به‌رایه‌تیی هاتوچۆی ده‌ربه‌ندیخان لەراگەیەندراوێكدا كە وێنەیەكی دەست (تۆڕی هەواڵی ژیان) كەوتووە، رایگه‌یاندووە" ئه‌مڕۆ سێشه‌ممه‌ 13ی ئابی 2019، له‌سه‌ر رێگای کەلار - دەربەندیخان له‌ نزیک ناوچه‌ی گەزەڵان  روداوێكی هاتوچۆ له‌جۆری وه‌رگه‌ڕان رویداوه‌ و به‌هۆیه‌وه‌ شۆفێری ئۆتۆمبیله‌كه‌ به‌ سوكی بریندار بووه‌".

دەشڵێت" ئۆتۆمبیله‌كه‌ له‌جۆری تویۆتا كامری بووه‌ و هۆكاری روداوه‌كه‌ش ئه‌وه‌ بووه‌ كه‌ شۆفێره‌كه‌ كۆنتڕۆڵی ئۆتۆمبیله‌كه‌ی له‌ده‌ستداوه‌".