مەلا هەڵۆ پەشیمانە لە هێرشكردنە سەر ماریا هەورامی


ژیان: 

ئەو مەلا ئاینیەی هێرشی كردە سەر هونەرمەندە هەورامیەكە پەشیمانبونەوەی خۆی راگەیاند و رونكردنەوەیەكی بلاو كردەوە و دەڵێت ئێستا قسە بكەم بەو شێوەیە نایكەم . 

هەڵۆ حەمەرەشید، مامۆستای ئاینی و سەر بە رەوتی سەلەفیەكان، دوای ئەوەی هێرشەكانی بۆ سەر هونەرمەند ماریا هەورامی  پەشیمان بونەوەی خۆی رادەگەیەنیچت و دەڵێت "ئەو پەیامە دەنگییە تایبەت بوو بۆ كەسێكم نارد بۆ رای گشتی نەبوو  لەگەڵ بڵاوكردنەوەی نەبووم ئەو شێوەیەش كە باسی ئەو خاتوونەم پێكرد  شێوەیەكی نەشیاو بوو".

ئەو مامۆستا ئاینیە كە پێشتر لەلایەن وەزارەتی ئەوقافەوە لەسەر مینبەر دوور خرابویەوە و لەلایەن بەشێكیتریش لە سەلەفیەكانەوە رەخنەی لێدەگیرێت بەوەی كە توندڕەوە، لە رونكردنەوەیەكی دەنگیدا لە تۆڕە كۆمەڵایەتیەكان دەشڵَێت "بۆخۆم دەربڕینەكەی خۆمم پێ جوان نییە هەم لە رووی  شەرع و هەم لە رووی عورفیشەوە، ئەگەر ئێستا بیڵێم وا نایڵێم، پەشیمانم لێی ئەوە بەینی خۆم و خوای خۆمە".

ئەو بە ماریا هەورامی دەڵێت با بچێتە دادگا و سكاڵا بكات لەو بارەیەوە دەڵێت: ئەو خاتوونەش هەر شتێكی هەیە با بڕوات لە  دادگا داوای بكات و ئامادەم بچمە دادگا، بەڵام ئەو كارەی ئەوم هەمیشە هەر  پێ خراپە و بە ناشەرعی دەزانم و تا بمێنم هەوڵدەدەم رێ لەو كارە  ناشەرعییانە بگرم.

هونەرمەند ماریا هەورامی بەرهەمێكی گۆرانی وەك ڤیدیۆ كلیپ لە جەژنی قورباندا بڵاوكردەوە، لە شەقامی سالم لە سلێمانی وێنە گیراوە، دوای ئەو كلیپە مەلا هەڵۆ هێرشیكردە سەر مەلا فاتیح شارستێنی كە بەرگری لەوە دەكات كە لە ئاهەنگی بوك گواستنەوەدا مۆسیقا بەكار بهێندرێت بە دەیوس و دەجالی ناوی دەهێندرێت لەلایەن مەلا هەڵۆوە ئەوە جگە لەو هێرشەشی دەیكاتە سەر ماریا هەورامی هونەرمەند.