زیدان: ئەگەری تەقینەوەی دوو بۆمب لە گواستنەوەدا هەیە


ژیان: 

راهێنەری ریاڵ مەدرید ئاشكرای دەكات كە تا رۆژی دوو شەممە كە دوا وادەی گواستنەوەكانە ئەگەری روودانی تەیقینەوەی دوو بۆمب هەیە بۆ یانەكەی بەڵام هیچ وردەكارەیكیتری باس نەكرد. 

زەینەدین زیدان، راهێنەری یانەی ریاڵ مەدرید، پێش یاریەكەی سبەی شەویان لە كۆنگرەیەكی رۆژنامەوانیدا، ئاماژەی بەوە كرد كە گرنگی زۆر بە یاریەكەی سبەی شەو دەات و وتیشی "من هەموو خۆشەویستی خۆم پێشكەشی لویس ئینریكی و خێزانەكەی ئەكەم بە گشتی سەبارەت بە لەدەستدانی منداڵەكەیان".

ئەو دڵخۆشی خۆی نەشاردەوە بە پێكهاتەی ئێستای یانەكەی و رەتیكردەوە سكاڵا بكات لەو بارەیەوە و وتی هەركات سكاڵام كرد باشترە دەست لە كارەكەم بكێشمەوە. 

ئەو لەو كۆنگرە رۆژنامەوانیەی پێش یاریەكەی بەرامبەر بە ڤیا ریاڵ باسی لەوە كرد كە پێرێزی سەرۆكی یانەكە بۆ ئەوان باشە و بەوەفاوە باسی لەوە كرد كە بووەتە هۆی ئەوەی ببێتەوە بە راهێنەری ریاڵ مەدرید. 

ئەو پێكانی هازاردیشی راگەیاندەوە وتی تا سبەینێش چاوەڕوان دەكەین، لەبارەی ئەنجامدانی گرێبەستیشەوە وتی تا رۆژی راگرتنی گواستنەوەكان لە 2ی مانگی ئەیلول وتی "لەمرۆوە تا دووی مانگی داهاتوو ئەگەری رودانی بۆمبێك یان دوان هەیە".

زیدان وتیشی: بریاری تەواو لەدەستی منە لەم یانەیەدا، پەیوەندیم لەگەڵ پیرێز زۆر باشە، ئەوەی لەدەرەوە رودەدەن و باس دەكرێن ناتوانم كۆنترۆلی بكەم.