چەمچەماڵ؛ چوار کەس بەتۆمەتی بەکارهێنانی مادەی هۆشبەر دەستگیرکران

دەستگیرکراوان

ژیان:

ئاسایشی ڕۆژئاوای سلێمانی رایگەیاند، لە ماوەی ١٠ رۆژی رابردوودا چوار کەسیان بە تۆمەتی بەکارهێنانی ماددەی هۆشبەر لە سنوری چەمچەماڵ دەستگیرکردووە کە ماددەی "کریستاڵ و حەبی هۆشبەر"یان پێبووە.

لە ڕاگەیەندراوێکدا ئاسایشی ڕۆژئاوای سلێمانی ئاشکرای کرد "لەدرێژەی کاروچالاکیەکانی بەڕێوەبەرایەتی ئاسایشی ڕۆژ ئاوای سلێمانی لەسنوری چەمچەماڵ و دەوروبەری  بەردەوامین لە ڕوبەڕو بونەوەی بەکار هێنان و بازرگانی کردن بە مادەی هۆشبەر لەسنوری بەڕێوەبەرایەتیەکەماندا.

دەشڵێت، لەماوەی دە ڕۆژدا پاش گەڕان و پشکنینێکی زۆر لەڕێگەی سەرچاوە تایبەتەکانی خۆمانەوە و لەلایەن هێزەکانی بەڕێوەبەرایەتیمانەوە بەبڕیاری دادوەر توانیومانە چوار کەس دەست گیر بکەین و یەکێک لەو چوارکەسە بڕی حەوت گرام لەمادەی کریستاڵ و چەند پارچەشوشەیەک  کە بۆ بەکار هێنای ئەو کریستاڵەیە لەماڵەکەیدا دۆزراوەتەوە و دەستی بەسەردا گیراوە لەهەمانکاتدا کەسێکی تر کە بەرەگەز ئێرانیە بڕی دوازدە دەنک حەبی هۆشبەری پێگیراوە کەئەویش مادەی هۆشبەرە بەکار هێنانی ڕێگەپێنەدراوە.

هەر لە ڕاگەیەندراوەکەدا هاتووە، لەئێستادا ئەو چوار کەسە دانیان بەتاوانەکەیاندا ناوە و بەبڕیاری دادوەر بەپێی مادەی ۱٤ی هۆشبەر بەندن.