سەرۆكی ریاڵ مەدرید: هەوڵمان بۆ كڕینی نەیمار نەداوە


ژیان: 

سەرۆكی یانەی ریاڵ مەدرید لەبارەی گواستنەوە و كڕین و فرۆشتنەكانی یانەكەی دەكات و دەڵێت هەوڵمان نەداوە بۆ كڕینی نەیمار و مانچستەریش نەیدەویست پۆگبا بفرۆشێت. 

فلۆرینتینۆ پێرێز، سەرۆكی یانەی ریاڵ مەدرید، رایگەیاند: دوای وەرزە كارەساتبارەكەی ساڵی رابردوو لەگەڵ ئیدارەی یانەكە كۆبوینەوە و قسەمان كرد و پلانمان بۆ وەرزی نوێ دانا. 

ناوبراو لە دیدارێكی لەگەڵ پێگەی ماركای نزیك لە یانەكەی وتیشی: لەم وەرزەی گواستنەوەدا ئێمە پارەی زۆرمان بۆ كرینی یاریزانان خەرج نەكرد، چونكە خۆمان یاریزانی باشمان ھەبوو تیپكەشمان باش بوو بەڵام كۆمەڵێك كێشە ھەبوو.

سەبارەت بە نەكرینی پۆگبا سەرۆكی ریاڵ مەدرید دەڵێت: یانەی مانچستەر ھەرگیز نیەتی ئەوەی نەبوو پۆگبا بفرۆشێت ئێمە ھەوڵماندا بەڵام كاتێك تیپی بەرامبەر رازی نەبێت ئێمە ناتوانین ھیچ بكەین. 

 سەبارەت بە نەیمار سەرۆكی یانە شاهانەییەكە وتی: تا ئەم ساتە ھیچ بەرپرسێكی یانەی ریاڵ مەدرید بەفەرمی باسی كڕینی نەیماری نەكردووە ئەوەی بڵاو دەكرایەوە تەنھا دەنگۆی میدیاكان بوو ئێمە بەفەرمی نەچوینەتە گفتوگۆ لەگەڵ یانەی پاریس بۆ كرینی نەیمار.