دوو منداڵ لە سەقز کۆتاییان بەژیانی خۆیان هێنا

ســەقز_ ڕۆژهەڵاتی کوردستان

ژیان:

لەماوەی ڕۆژانی ڕابردوودا كوڕێكی تەمەن ١٥ ساڵ و كچێكی تەمەن ١٢ ساڵ لە شاری سەقز لە ڕۆژهەڵاتی کوردستان كۆتاییان بە ژیانی خۆیان هێناوە.

ڕێكخراوی هەنگاو بۆ مافەكانی مرۆڤ بڵاویكردەوە، كوڕێكی تەمەن ١٥ ساڵی خەڵكی سەقز بە ناوی "هادی سەمەدیان" بەهۆی كێشەی خێزانییەوە خۆی هەڵواسیوە و كۆتایی بە ژیانی خۆی هێناوە.

لەلایەكی دیكەوە، كچێكی تەمەن ١٢ ساڵی خەڵكی گوندی كانی بەندی سەقز بە ناوی "ئیلاهە ڕەحیمی" بە هۆی كێشەی خێزانییەوە خۆی هەڵواسیوە.

هەنگاو لە زاری یەكێك لە ئەندامانی بنەماڵەی ئیلاهە ڕاگەیاند كە ئیلاهە لە كاتی یاری كردن سەری گیری كردووە و گیانی لە دەست داوە، بەڵام دوو سەرچاوەی دیكە لەو گوندە هەواڵی خۆكوشتنی ئیلاهەیان بۆ هەنگاو پشتڕاست كردووەتەوە.