قەرەیلان رەخنەی توند لە هەدەپە دەگرێت

موراد قەرەیلان، فەرماندەی بڕیارگەی ناوەندی هێزەكانی پاراستنی گەل

ژیان: 
فەرماندەیەكی پەكەكە رەخنەی توند لە هەدەپە دەگرێت و دەڵێت ئەو شەڕەی ئێستا توركیا بە سیاسەتمەدارانی كوردی دەفرۆشێت هۆكارەكەی ئەوەیە لە كاتی خۆیدا پشتیوانی شەڕی پەكەكەیان نەكردووە. 

موراد قەرەیلان، فەرماندەی بڕیارگەی ناوەندی هێزەكانی پاراستنی گەل، رایگەیاند: دەوڵەتی توركیا هێرشی توند دەكاتە سەر هەدەپە، ئێمەش رەخنەیان بكەین كارێكی باش نابێت، ئەگەر دەوڵەت دەیەوێت پەكەكە بسڕێتەوە، پێویست بوو ڕێگەی سیاسەتمەداران نەگرێت، ئەمەش رەتكردن و لەناوبردنێكی زۆر گەورەیە، بەڵام شتێكی ئاسایی نییە. بەهۆی ئەوەوە هێرش دەبەنە سەر هەدەپە، لەبەرئەوەش ئێمە هەدەپە زۆر رەخنە ناكەین.

ئەو سەركردەیەیە پەكەكە وتیشی "ئەگەر ئێمە خوێندنەوەیەك بۆ ڕابردوو بكەین، ئەگەر هەدەپە خاوەندارێتی لە ئەركی خۆی بكردایا، دۆخەكە بەم شێوەیە نەدەبوو. لەئیستادا زۆرێك لە بەرپرسانی هەدەپە لە گرتووخانەكاندان. هەموویان تاوانباردەكرێن و دەڵێن، 'لە كاتی بەرخۆدانی خۆبەرێوەبەرایەتیدا هەدەپە سیاسەتی خەندەقەكانی پاراست'. ئەو قسانە ڕاست نین. هەدەپە پشتگیری ئەو پرۆسەیەی نەكرد. ئەگەر هەدەپە پشتگیری بكرادایا ، دۆخەكە بەم شیوەیە نەدەبوو". 

ئەو رونیدەكاتەوە كە هەدەپە بە دوودڵی لەوكاتەدا مامەڵەی كرد بۆیە "گەلیش بە دوودڵی جووڵایەوە و مێشكیان تێكەڵبەیەك بوو. گەنجان لەبەرامبەر دوژمن بەتەنها بەجێمان. شەهید چیاگەر و ٦٠ گەنجی هاورێی لەناو سووری ئامەد بەتەنها مانەوە".

قەرەیلان لەدیدارێكیدا لەگەڵ رادیۆی دەنگی وڵات ئەوەشی وت "دەوڵەت دەڵێت 'هەدەپە چەكی بۆ ئەوێ گواستووەتەوە'، پشتگیری لە سیاسەتی خەندەق كردووە، شۆفڵئ ناردووە' بەڵام درۆ دەكات، شتێكی بەو شێوەیە نەبوو. لەبەرئەوەی هێرشەكانی دوژمن لەئاستێكی باڵادابوون، ئێمە ڕەخنەمان لە هەدەپە نەگرت، بەو شێوەیە ئەو شتانەی كە دەوڵەت دەداتە پاڵ هەدەپە، درۆن و راست نین".

سەركردەكەی پەكەكە ئەوەش دەخاتەڕوو: هەرچەند تكا بكەی و داوای ئاشتی بكەی، دەوڵەت تێناگات. پێویستە یەكگرتن، رێكخستنبوون و بەرخۆدان بناغە بێت. پێویستە بەرخۆدانی گەل گەشبكرێت. ڕێگەی سەركەوتن ئەوەیە. ئێمە دەبینین، ڕێگاكانی سیاسەتیان داخستووە.