قایمقامیەتی هەولێر ژمارەیەك شوێنی داخست


ژیان: 
قایمقامیەتی هەولێر رایدەگەیەنێت، لیژنەكانیان توانیویانە حەوت كۆگا و ماركێت بەهۆی پابەند نەبوون بە مەرجەكانی تەندروستییەوە دابخەن.

قائیمقامەیەتی قەزای ناوەندی هەولێر ریگەیاند: لیژنەی پشكنین و چاودێریی بازاڕ كە لەلایەن قایمقامیەت و پۆلیسی شارەوانی و پۆلیسی ڕێكارییەوە سەرپەرشتی دەكرێ، لەڕێكەوتی ۲٠۱۹/۹/۱٠، لەسنوری بەڕێوەبەرایەتیی شارەوانیی شەش پشكنین و بەدواداچوونیان بۆ ۸ كۆگا و ماركێت ئەنجامدا.

بەگوێرەی راگەیەندراوی قایمقامیەتی هەولێر بەهۆی پابەندنەبوون بەمەرج و ڕێنماییەكان، لەوانە دانانی ئاوی خواردنەوە و خواردنەوە گازییەكان لە دەرەوەی شوێنەكانیان و لە ژێر كاریگەریی پلەكانی گەرما (۷) كۆگا و ماركێت داخران.