پارتی كتێبی نوسەرێكی رۆژئاوای كوردستان لە هەولێر دەسوتێنێت


ژیان: 
كتێبێكی پۆڵات جان، سەركردەیەكی رۆژئاوای كوردستان لە سنوری هەولێر قەدەغە دەكرێت و دەست بەسەر كتێبەكاندا دەگیرێت و بە وتەی ورەگێڕەكەشی كتێبەكان سوتێندراوە. 

نیاز حامید، وەرگێڕی كتێبی (ئاخ بچكۆلانەكەم) بە لە بارەی سوتاندنی كتێبەكەوە (تۆڕی هەواڵی ژیان)ی راگەیاند "ناوەندی غەزەلنوس پلانی دانابوو بۆ دابەشكردنی كتێبی' ئاخ بچكۆلانەكەم' لە تەواوی كوردستان، ژمارەیەكی زۆر لەم كتێبەی بۆ هەولێر رەوانە كرد، بۆ ئەوەی بكەوێتە بەردیدی خوێنەران، لێ چەتەكانی پارتی بە فەرمانی دەزگای جاسوسی میت، رێگەیان گرت لە بڵاوكردنەوەی و تەواوی كتێبەكانی سوتاند".

ئەو كتێبە كە لە نوسینی پۆڵات جان، یەكێك لە سەركردە و كەسایەتیەكانی رۆژئاوای كوردستانە، لەلایەن ئاسایشەوە قەدەغە كراوە و وەرگێڕەكەش دەڵێت "لە كوێی دنیا ماوە، كتێب مەنع بكرێت، مەگەر تەنها لەو شوێنانە كە دیكتاتۆریەت و تیرۆر باڵادەست بێت".