سه‌رۆكی فراكسیۆنی نه‌وه‌ی نوێ: بەرپرسانی چاوچنۆک خوێندنیشیان کردە پارە

كازم فاروق، سه‌رۆكی فراكسیۆنی نه‌وه‌ی نوێ

ژیان:
سه‌رۆكی فراكسیۆنی نه‌وه‌ی نوێ له‌ په‌رله‌مانی كوردستان ڕایدەگەیەنێت ته‌نها 35%ی خوێندكاران و قوتابیان لەمساڵدا له‌ زانكۆ و په‌یمانگاكان به‌ خۆڕایی وه‌رده‌گیرێن، ئاماژە بەوەشدەکات بەرپرسانی چاوچنۆک خوێندنیشیان کرد بە تیجارەت و بازرگانی پێوە دەکەن.

كازم فاروق، سه‌رۆكی فراكسیۆنی نه‌وه‌ی نوێ له‌ په‌رله‌مانی كوردستان ڕایگەیاندووە "ئەمساڵ تەنها 35%ی خوێندکاران و قوتابییان بە خۆڕایی لە زانکۆ و پەیمانگەکان وەردەگیرێن، و 65%ی خوێندکاران دەبێت لەم دۆخە سەختەدا پارە بدەن بۆئەوەی شەهادەیەك بەدەست بهێنن. نازانم ئەمە ناوبنێم پلان یان پیلان؟"

ئاماژە بۆ ئەوەش دەکات، مەسئولی چاوچنۆك بە تیجارەتی نەوت و دەرمان تێرنەبوون، خوێندنیشیان کرد بە تیجارەت و پارە، وەزارەتیش لەباتی ئەوەی لەبەرەی خەڵک بێت، کەچی گیرفانی بەتاڵی خوێندکارەکانمان دەخاتە بەر چنگی تیجارەتی زانکۆ و پەیمانگە ئەهلیەکان.