فرسه‌ت سۆفی به‌ پارێزگاری هه‌ولێر هه‌ڵبژێردرا

فرسەت سۆفی

ژیان:
ئەمڕۆ پێنجشەمە ١٢ ی ئەیلولی ٢٠١٩، کۆبونەوەی ئەنجومەنی پارێزگای هەولێر بەمەبەستی دەنگدان لەسەر کاندیدی نوێی پارێزگاری شارەکە بەڕێووەچوو و تیایدا فرسەت سۆفی وەکو پارێزگاری نوێی هەولێر هەڵبژێردرا .

له‌ كۆبوونه‌وه‌ی ئاسایی ژماره‌ ٧٠ی ئه‌نجوومه‌نه‌كه‌، دوای خستنه‌ڕووی سیڤی كاندیدی پارتی دیموكراتی كوردستان، پرسی هه‌ڵبژاردنی پارێزگاری نوێ خرایه‌ ده‌نگدانه‌وه‌ و به‌ كۆی ده‌نگی ٢٧ ده‌نگ له‌ كۆی ٢٨ ئه‌ندامی ئه‌نجوومه‌نی پارێزگا فرسه‌ت سۆفی وه‌ك پارێزگار هه‌ڵبژێردرا.

گۆڕینی پارێزگاری هەولێر لە چوارچێوەی پرۆژەکانی حکومەتی هەرێمی کوردستاندایە بۆ گۆرانکاری کردن لەپۆستە باڵاکانی وەکو پۆستی بریکاری وەزیرەکان و بەرێوەبەرە گشتییەکان و بەڕێوەبەری ناحیە و قایمقامەکان.

چاوەڕواندەکرێت دوای گۆڕینی پۆستی پارێزگار پۆستەکانی دیکەی شاری هەولێر گۆڕانکاری تیادابکرێت.