چەند رێنماییەك بۆ تووشبوانی نەخۆشی رەبۆ


ژیان: دەروون جەبار

نەخۆشی هەستیاری سنگ یان رەبۆ لەدیارترین ئەو نەخۆشیانەیە كەلەتەمەنە جیاوەزەكاندا تووشی زۆرێك لەمرۆڤەكان دەبێت، ئەمەش گرفت لەكۆئەندامی هەناسەدا دروست دەكات.

سەركۆ جەمال شێخە، پسپۆری نەخۆشیەكانی هەناوی  بۆ ژیان وتی "ئەوكەسانەی نەخۆشی ڕەبۆیان هەیە بۆخۆپاراستن پێویستە رەچاوی ئەم خاڵانە بكەن:

1_خۆپاراستن لەسەرمایەكی زۆر كەدەبێتە هۆی دابەزینی بەرگری لەشیان، زیادكردنی هەوكردن كەرێگا خۆشكەر دەبێت  بۆ تووش بوون بەپەتا درمیەكانی ساڵ.

2_پێویستە ئەو كەسانەی نەخۆشی ڕەبۆیان هەیە پێش هاتنی وەرزی پایز خۆیان بكوتن بەدەرزی دژی ئەنفلۆنزا ، ئەو كوتانە وادەكات ئەگەر كەسەكە توشی پەتا بێت نیشانەكانی كەمتر دەبێت‌و نابێتە هۆی تێكچونی باری تەندروستی.

3_واباشترە ئەوكەسانە زۆر تێكەڵ نەبن، بۆ نموونە لەكاتی بینینی كەسێكدا خۆیان بەدووربگرن لەماچ كردن‌و تەوقەكردن چونكە ئەمانە هۆكارن بۆ ئەوەی پەتا درمیەكان بەئاسانی لەكەسێكەوە بۆ كەسێكی تر بگوازرێتەوە.

4_ئەو كەسانە پێویستە خۆیان بەدوور بگرن لەئامێرە گەرم كەرەوەكانی ناو ماڵ، بۆنمونە وەك سۆپا كەزۆرجار دەبێتە هۆی دەردانی غاز ئەمانە كاریگەری دەبێت لەسەركەسی تووشبو لەوانەیە باری تەندروستی تێك بچێت.

5_هەروەها پێویستە خۆیان بپارێزن لەبۆنە تیژەكان‌و بۆنە تونەكان وەك بەهارات، كەئەو جۆرە بۆنانە ڕەنگە كاریگەر بكاتە سەریان‌و باری تەندروستیان تێك بچێت. 

6_دوور كەوتنەوە لەجگەرەكێشان.