چیرۆكی ئەو پیاوەی بابردی....!


ژیان: وەرگیراوە لە هەژماری سەنگەر سەید قادر

١- ڕۆژی ١٠/٢ بۆ وەرگرتنی مۆڵەتی زەواج چووە كونسوڵخانەی وڵاتەكەی بەڵام بۆ هەمیشە ونبوو

٢- كاتژمێر ٢:١٠ دوای كوشتنی جەستەكەی بە مشاڕ پارچە پارچەكرا لە كاتێكدا دەستگیرانەكەی لە دەرەوە چاوەڕێ دەكرد

٣- ئێوارەی هەمان ڕۆژ جەستەكەی لە فڕنەكەی ماڵی عوتێبی كونسوڵی سعودیە لە ئەستەمبوڵ لە پلەی گەرمی ١٥٠٠ پلەدا كرا بە خۆڵە مێش

٤- دەزگای هەواڵگری توركیا پێش كوشتنی ئاگاداری پیلانەكە بووە لە ڕێگەی ئەو دەنگ هەڵگرەی لە ناو ژووری كونسوڵدا بە نهێنی بۆ سیخوری دانرابوو

٥- جەمال خاشوقچی نەفرەتێكە ئایندەی محمد بن سەلمانی خستوتە مەترسیەوە بەرۆكی بەرنادات

٦- كوشتنەكەی پەڵەیەكی ڕەشە بە نێوچەوانی ترەمپەوە و ئەو بنەما باڵایانەی خستە ژێر پرسیارەوە كە ئەمەریكا بانگەشەی بۆ دەكرد

٧- جەمال خاشوقچی ڕاستە قەڵەمێك بوو بۆ كرێ بەڵام یەكێك بوو لەسەر مەشقانی كایەیی ڕۆژنامە نوسی كۆمەڵگایەكی داخراوی وەك كۆمەڵگای سعودی

٨- كوشتنەكەی گیانی دەیان و سەدان كەسی لە مردن ڕزگارگرد كە بڕیاربوو هەمان چارەنوسی جەمالیان هەبێت

٩- كوشتنی خاشوقچی شەمەندەفەری گۆڕانكاریەكانی بن سەلمانی لە سعودیە ڕاگرت كە بڕیاربوو سعودیە بكات بە سەنگافورەی ڕۆژهەڵاتی ناوەڕاست

١٠- توركیا دەیویست چەكی كوشتنی خاشوقچی بۆ فشاركردن لەسەر ئەمەریكا بەكار بهێنێت لە پرسی ڕۆژئاوای كوردستاندا بەڵام نەیتوانی

-لە كۆتایدا خاشوقچی بابردی و گەمەكە بەردەوامە.




تۆڕی هەواڵی ژیان بەرپرس نییە لە ناوەڕۆکی ئەم نوسینە