پەرلەمان مەرج بۆ ئاهەنگی هاوسەرگیری دیاریدەكات


ژیان:
بۆ ڕێگرتن لە زیادەڕۆیی تێچوی ئاهەنگی هاوسەرگیری، پەرلەمانی ئۆزبەكستان یاسایەكی نوێی دەركرد، چەند مەرجێكی سەیر بۆ گواستنەوەی بوك دیاری دەكات. 

پەرلەمانی وڵاتی ئۆزبەكستان،  یاسایەكی تایبەتی لەسەر مەراسیمی ئاهەنگی هاوسەرگیری دەركردووە، ئامانج لە یاساكەش دانانی سنورێكە بۆ ئەوانەی زیادەڕۆیی لە ئاهەنگی هاوسەرگیری دەكەن.

بەگوێرەی یاساكە ناكرێ زیاتر لە دوو تیپی میوزیك بەشداری لە ئاهەنگەكانی مەراسیمی هاوسەرگیریدا بكەن و هەروەها لەدوای  ئۆتۆمبێلی بوك و زاوا نابێت لە سێ ئۆتۆمبێل زیاتر بڕوات.

لە هۆیەكانی دەرچواندنی یاساكە باس لەوە كراوە كە ئەگەر سنورێك بۆ ئاهەنگی هاوسەرگیری دانەنرێت، وڵاتەكە تووشی كێشەی ئابووریی گەورە دەبێت، چونكە ئەندامانی كۆمەڵگەكە پارەیەكی زۆر لە ئاهەنگەكان خەرج دەكەن، لە كاتێكدا داهاتی مانگانەی تاكی وڵاتەكە لە نێوان 200 تا 300 دۆلارە.