ئێران بەفەرمى دژایەتى خۆى بۆ هێرشکردنە سەر ڕۆژئاوا ڕاگەیاند

هێزەکانی تورکیا لەناو خاکی سووریا

ژیان _ تاران

وەزارەتى دەرەوەى ئێران ناڕەزایى خۆى دەربڕى بەرامبەر هەر جوڵەیەکى سەربازى تورکیا لەسنورى ڕۆژئاواوى کوردستان و دەڵێت: "هاتنە ناوەوەى سوپاى تورکیا زیانێکى گەورەى ماددى و مرۆیى دەخاتەوە و ئاستى نائارامى لە تورکیا زیاتر دەکات".

بەگوێرەى ڕاگەیەنراوەکەى وەزارەتى دەرەوەى ئێران: "دژى هەر هێرشێکى سەربازین چاوەڕنکراوی تورکیاین لە سوریا، ئامادەی دەردەبڕین بۆ پەیوەندیکردن بە بەرپرسانى سوریا و تورکیا تاوەکو کێشەکان بە شێوەى ئاشتى چارەسەربکەین".

وەزارەتى دەرەوەى ئێران جەخت لەسەر ئەوەدەکاتەوە، بوونى هێزەکانى ئەمریکا لە خاکى سوریا نایاسایى بوو، ئێستا کە بڕیارى کشانەوەیان داوە پێویست بوو زوتر ئەو پڕۆسەیە ڕوویبدایە، دەڵێت: "هاتنە ناوەى سوپاى تورکیا بۆ ناو خاکى سورییا هۆکار دەبێت بۆ کەوتنەوەى زیانێکى ماددى و مرۆیى گەورە، بۆیە ئێران دژى هەر پڕۆسەیەکى سەربازى چاوەڕوانکراوە".

هاوکات، ئیران ئامادەیى خۆى دەربڕیوە بەزویى پەیوەندی بە بەرپرسانى سوریا و تورکیاوە بکات تاوەکو لەڕێگەى ئاشتیەوە ئەو پرسە چارسەرى بکرێت، دەڵێت: "پێویستە سەروەرى خاکى سوریا بپارێزرێت".