ماوەی8 رۆژ پێش ١٦ی ئۆكتۆبەر، فەرماندەكانی پێشمەرگە چیان بە بارزانی و كۆسرەت ڕەسوڵ ووت؟


ژیان:
ڕۆژی ٨ی ئۆكتۆبەری ٢٠١٧ واتە تەنها ٨ ڕۆژ پێش ڕووداوەكانی ١٦ی ئۆكتۆبەر مەسعود بارزانی بەیاوەری كۆسرەت ڕەسوڵ سەردانی بەرەكانی جەنگی كرد لەكەركوك لەوێ چاوی بە بەرپرسانی میحوەری باشوری كەركوك كەوت، جەختی لەسەر ئەوەكردەوە عێراق هێرش ناكات.

بەگوێرەی گێڕانەوەی فەرماندە سەربازییەكان كە لەكتێبی "حیكایەتی ڕیفراندۆمی" نوسەر رەتیپ جەوهەردا هاتووە.

مەسعود بارزانی سەرۆكی هەرێمی پێشوو و بەیاوەری كۆسرەت ڕەسوڵ لەگەڵ فەرماندە سەربازییەكانی میحوەری باشوری كەركوك كۆبونەوەیەكی تایبەت ساز دەكات لەو كۆبونەوەیەدا داوای ڕونكردنەوە لە بەرپرسە سەربازییەكان دەكات ئایا ئەگەر عێراق هێرش بهێنێت ئەوان چی دەكەن؟

بە گوێرەی گێڕانەوەی وەستا ڕەسوڵ، بارزانی دەپرسێت هەڵوێستی ئەمریكیەكان چیە؟ منیش ووتم: ئەمریكیەكان تائێستا باشن، لەوەڵامدا مەسعود بارزانی ووتی: "ئەگەری بووە شەڕ ئەوە من دەبمە پێشمەرگە و لەمیحوەرەكەی تۆوە شەڕدەكەم".

ئەگەر هەموو گولەكانی كاك مەریوان بتەقێنرێن و ئامانجی خۆشیان بە وردی بپێكن، ئەوا هێشتا كەمترین تانك تێكدەشكێت هێزەكەمان پێناشكێنرێت، بۆیە هەر شەڕێك دەیكەین نابەرامبەرە

بەگوێرەی زانیارییەكان، لەوكۆبونەوەیەدا وەستا ڕەسوڵ و فەرماندە سەربازییەكان بەڕوونی دۆخی خراپی سەنگەرەكانی پێشمەرگە بۆ بارزانی ڕووندەكاتەوە و ئەوەش پشت بەستن بەڕاپۆرتی فەرماندەكانی پێشمەرگە لەو بەرەیەیی جەنگ.

هەر لەو كۆبونەوەیەدا بەرپرسی بەرەی ڕۆژئاوای كەركوك بەبارزانی دەڵێت "ئێمە چەك و تەقەمەنیمان سنوردارە، هەر بەرگەی نیو كاتژمێر جەنگ دەگرین بەرامبەر بەو هێزە زەبەلاحەی سوپای عێراق"، تەنانەت پێشی دەڵێت: "تكاتان لێدەكەم ئەم شەڕە لە ئێمە لابدەن".

بەڵام لەكۆبونەوەكەدا هەریەكە لە مەسعود بارزانی و كۆسرەت ڕەسوڵ دڵنیایی دەدەنە فەرماندەكانی هێزی پێشمەرگە لەباشوری ڕۆژئاواوی كەركوك، كە "عێراق هێرش ناهێنێت".

بەگوێرەی زانیارییەكانی بەرەی جەنگی ڕۆژئاوای كەركوك، هێزەكەی عێراق كە بە تۆنی سەركەوتنی جەنگ و بەچەكی گەورە و تانگی پێشەكەوتووی ئەبرامزەوە هاتبوونە مەیدانی جەنگ، تەنها ژمارەی تانكەكانیان ٢ هەزار و ٥٠٠ تانكی گولەنەبڕ دەبێت، ئەمە جگە لەزریپۆش و باجەر و هەمەری ئەمریكی، كە هیچی لەستی پێشمەرگە نەبوو.

لیوا مەریوان كە لەو كاتەدا بەرپرسی ئۆپراسیۆنی پێشمەرگە و فەرماندەیەكی دیاری پێشمەرگە دەبێت ئاماری فیشەك و گولە لە بەرەی جەنگ بۆ بارزانی ڕووندەكاتەوە، ئاماژە بۆ ئەوەدەكات لەو بەرەیەی جەنگ ٢٣٠ گولەی میلان هەیە.

وەستا ڕەسوڵ زیاتر دۆخەكە بۆ بارزانی ڕووندەكاتەوە دەڵێت "ئەگەر هەموو گولەكانی كاك مەریوان بتەقێنرێن و ئامانجی خۆشیان بە وردی بپێكن، ئەوا هێشتا كەمترین تانك تێكدەشكێت هێزەكەمان پێناشكێنرێت، بۆیە هەر شەڕێك دەیكەین نابەرامبەرە".

بەهۆی جموجوڵی سوپای عێراقەوە، هێزی پێشمەرگە ناچار دەبێت ٣٠ كیلۆمەتری دیكە سەنگەر زیادبكەن، بۆیە داوا لەوەزارەتی پێشمەرگە دەكات ١٥ شۆفڵ و ١٥ خەفارە و گریدەر، دەكات بەڵام وەزارەت تەنها دوو شۆفڵ و حەفارەی بۆ دەنێرن.

هەر لەو كاتەدا بەهۆی جموجوڵی سوپای عێراقەوە، هێزی پێشمەرگە ناچار دەبێت ٣٠ كیلۆمەتری دیكە سەنگەر زیادبكەن، بۆیە داوا لەوەزارەتی پێشمەرگە دەكات ١٥ شۆفڵ و ١٥ خەفارە و گریدەر، دەكات بەڵام وەزارەت تەنها دوو شۆفڵ و حەفارەی بۆ دەنێرن.

هەر بەگوێرەی زانیارییەكان كە ئەوكات هەواڵگری پێشمەرگە هۆشداری دابوو لە جموجوڵەكانی سوپای عێراق لەسنوری كەركوك، بەڵام بەرپرسانی ڕیفراندۆم هەر ئەوكاتیش بڕوایان بە هێرشەكە نەبوو، بۆیە دواجار ١٦ی ئۆكتۆبەر ڕوویدا، پارتیش كشایەوە بۆ سنوری ساڵی ٢٠١٣.

بەگوێرەی زانیارییەكان، هەر لەسەرەتاوە ئامانجی بارزانی ئاڵاندنی شەڕبوو لە گەردنی كەركووك، چونكە بەڕای فەرماندەكانی هێزی پێشمەرگە ئەوەی لەو كۆبونەوەیەدا بۆ مەسعود بارزانی ڕوونكراوەتەوە دەبوو یان ئامادەكاری تەواوبكرێت بۆ جەنگ یان بەتەواوەتی كورد بڕیارێكی گرنگ بدات و بەری جەنگ بگرێت، بەڵام بارزانی ئەو بڕیارەی نەدا، ئەوەش جێگەی سەرسوڕمانە و دوو ئەگەر لەخۆ دەگرێت، یەكەم: "بارزانی بەلایەوە گرنگ بووە جەنگ لەكەركوك بكرێت، پێشمەرگە شكست بهێنیت"، یان توانای لێكدانەوەی ئاستی مەترسیەكانی نەبووە،" كە لەهەردوو حاڵەتەكەدا بارزانی دەكەوێتە بەردەم دادگای مێژووز.