شێرکۆ جەودەت: بەرهەمی نەوتی هەرێمی کوردستان ٤٥٠ هەزار بەرمیلی ڕۆژانەی تێپەڕکردووە


ژیان: هەولێر
سەرۆکی فراکسیۆنی یەکگرتووی ئیسلامی کوردستان ئاشکرای دەکات، نەوتی هەرێمی کوردستان گەیشتووەتە سەرو ٤٥٠ هەزار بەرمیلی ڕۆژانە و داهاتی ناوخۆش گەیشتووەتە ٢٠٠ ملیار دینار.

لەمیانەی بەڕێوەچوونی بانێڵێک لەشاری هەولێر شێرکۆ جەودەت سەرۆکی فراکسیۆنی یەگرتووی ئیسلامی کە پێشتر سەرۆکی لیژنەی نەوت و غازی سروشتی پەرلەمانی کوردستان بووە ئەوەی ئاشکراکرد"بەرهەمی ڕۆژانەی نەوتی هەرێمی کوردستان گەیشتووەتە ٤٥٤ هەزار بەرمیلی ڕۆژانە".

هاوکات لەبارەی داهاتی ناوخۆشەوە شێرکۆ جەودەت ئاماژەی بۆ ئەوەکرد، ئێستا داهاتی ناوخۆی هەرێمی کوردستان ٢٠٠ ملیار دینار دەبێت.

شێرکۆ جەودەت کە هاوکات ئەندامی لیژنەی سامانە سروشتیەکانە، جەختی لەسەر ئەوەکردەوە، ئەوانە ئاماری فەرمی حکومەتی هەرێمی کوردستانن.