ئەردۆغان: حکومەتی سوریا خۆی بەرپرسیارە لە هاتنی سوپای تورکیا

رەجەب تەیب ئەردۆغان

ژیان:

سەرۆک کۆماری تورکیا ڕایگەیاند، ژمارەیەکی زۆر پیلانی ناوخۆیی و دەرەکی هەبووە لە بەرامبەریان، ئاماژەی بەوەشکرد، حکومەتی سوریا خۆی بەرپرسیارە لە هاتنی سوپای تورکیا بۆ ناوچەکە.

ڕەجەب تەیب ئەردۆغان سەرۆک کۆماری تورکیا ئەمڕۆ پێنجشەممە ڕایگەیاند "ئێمە ئەم ئۆپراسیۆنە دەکەین بۆ ئەوەی تیرۆر لەناو بەرین و هەموو جۆرە چەکێکیشمان داوە بە سەربازەکانمان".

وتیشی "ئێمە خەڵکی سوریامان خۆش دەوێت لەناویشیاندا برا کوردەکانمان، بەڵام حکومەتی سوریا خۆی بەرپرسیارە لە هاتنی سوپای تورکیا بۆ ئەو ناوچەیە".

ئه‌ردۆغان لەبەشێکی دیکەی قسەکانیدا كه‌وته‌ دژایه‌تی سعوودییه‌ و میسر و وتی: پێویسته‌ سعوودییه‌ له‌ ئاوێنه‌دا سه‌یری خۆی بكات، هاوکات پێویسته‌ سعوودییه‌ له‌ یه‌مه‌ن بكشێته‌وه‌، كه‌ ده‌یان هه‌زار هاووڵاتی مه‌ده‌نی كردووه‌ته‌ قوربانی.

ئاماژەی بەوەشکرد، حکومەتی سوریا خۆی بەرپرسیارە لە هاتنی سوپای تورکیا بۆ ناوچەکە.

لە دوێنێ ئێوارەوە هێرشی تورکیا بۆسەر ڕۆژئاوای کوردستان دەستی پێکردووە، لانی کەم ٣ شەڕڤان و دەیان هاوڵاتی مەدەنی شەهیدبوون و هەسەدەش ڕایگەیاندووە لەھێرشەکانی دوێنێدا پێنج سەربازی تورکیا کوژراون و چوار تانکی سوپای تورکیایان لەسنوری گرێ سپی تێکشکاندووە.