ژیان ناوى سێ نوێنەرەکەى کورد بۆ هەموارکردنەوەى دەستورى عێراق ئاشکرا دەکات

دەستووری عێراق

ژیان:

ئەمڕۆ دووشەممە پەرلەمانى عێراق کۆبوەوە و چەند بڕیارێکى دەرکرد یەکێک لەوانە هەموارکردنەوەى دەستورە کە لەماوەى چوار مانگدا پێداوچونەوەى بۆ بکرێت و لیژنەیەکى بۆ پێکهێنراوە، لەو لیژنەیەشدا ناوی سێ نوێنەری کورد هەیە.

سەرچاوەیەکی تایبەت لە پەرلەمانی عێراقەوە ناوی سەرجەم ئەو نوێنەرانەی بۆ (تۆری هەواڵی ژیان) ناردووە کە دەستنیشان کراون بۆ هەموارکردنەوەی دەستوری عێراق.

بەپێی ناوەکان لیژنەکە پێکهاتوە لە هەریەک لە، محەمەد غەبان، فالح ساری، نەعیم عەبودی، ڤیان سەبری، رەشید عەزاوی، محەمەد کەربولی، عەممار طەعمە، ئەرشەد ساڵحی، سەباح ساعدی، فەلاح زیدان، محەمەد یەتیم، جوان ئیحسان، یوسف کەلابی، سائیب خدر و نەبیل طەرەفی.

بەگوێرەی ناوەکان، کورد سێ نوێنەرى بەرکەوتووە لە لیژنەى هەمواکردنەوەى دەستور کە ئەوانیش جوان ئیحسان لە فراکسیۆنى یەکێتى و ڤیان صەبرى لە فراکسیۆنى پارتى و یوسف محەمەد لە فراکسیۆنى گۆڕان.