كەرەستەیەكی ناوبژیوانەكان هاوكاری میسی دەكات بۆ لێدانی راستەوخۆ


ژیان: 
رۆژنامەیەكی ئیسپانی رودەكاری زۆری گۆڵەكانی میسی بە لێدانی راستەوخۆ روندەكاتەوە و ئاشكرای دەكات كە راهێنانێكی زۆر دەكات و ئەو كەفە سپەیەی ناوبژیوانەكانیش بەكاری دەهێنن هاوكاری دەكات. 

رۆژنامەی MDی ئیسپانی، لە بەدواداچونێكی بۆ سەركەوتنی میسی لە لێدوانی راستەوخۆدا ئاشكرای دەكات كە " میسی مەشقێكی زۆر لەسەر چۆنیەتی جێبەجێكردنی لێدانەكانی راستەوخۆ دەكات".

ئەو رۆژنامەیەباس لەوەش دەكات "ئەو كەفە سپەی ناوبژیوانانیش بەكاریدەهێنن بۆ دیاریكردنی ماوەی نێوان تۆپەكە و دیواری تیپی بەرامبەر زۆر یارمەتی میسیداوە بۆ ئەوەی رێژەی گۆڵكردن لە رێگەی لێدانەكانی راستەوخۆووە بەرز بكاتەوە".

رۆژنامەكە رەونیشی دەكاتەوە "میسی بەر لەوەی كەفی سپی لەلایەن ناوبژیوانانەوە بەكاربهێنرێت لە 100 لێدانی راستەوخۆدا تەنیا 7ی گۆڵ دەكرد، بەڵام دوای بەكارهێنانی كەفی سپی لە 4 لێداندا یەكێكیان گۆڵ دەكات، واتە لە 100 لێدانی راستەوخۆ 25 گۆڵ تۆماردەكات".