جێگرەوەی بەغدادی ئاشکرا کرا

داعش کوژرانی ئەبوبەکر بەغدادی ڕاگەیاند
ئەبوبەکر بەغدادی

ژیان:

سەرچاوەکانی نزیک لە رێکخراوی داعش، کوژرانی خەلیفەی ڕێکخراوەکەیان پشتراستکردووە و جێگرەوەی ناوبراویشیان ڕاگەیاند.

سەرچاوەکانی نزیک لە ڕێکخراوی تیرۆریستی داعش، کوژرانی ئەبوبەکر بەغدادی خەلیفەی ڕێکخراوی داعش و ئەبو حەسەن موهاجیر وتەبێژی ئەو ڕێکخراوەیان ڕاگەیاند.

هاوکات، داعشییەکان ڕێککەوتون لەسەر دانانی جێگرەوەیەک بۆ پۆستەکەی بەغدادی و ڕایانگەیاندووە، کە ئەبو ئیبراهیم هاشمی قوڕەیشی وەک شوێنگرەوەی بەغدادی هەڵبژێدراوە.

ئەوەش لەکاتێکدایە، پاش ئەوەی دۆناڵد ترەمپی سەرۆکی ئەمریکا کوژرانی ئەبوبەکر بەغدادی ڕاگەیاند لە ئۆپەراسیۆنێکی هاوبەشی هێزەکانی ئەمریکا و هەسەدە، چەکدارانی ئەو رێکخراوە بێدەنگیان هەڵبژارد و سەرقاڵی هەڵبژاردنی جێگرەوەکەی بەغدادی بوون.